ફેરફાર / શું છેલ્લા કેટલાક મહિનાથી તમને ગેસની સબસિડી નથી મળી રહી, કેન્દ્ર સરકારે લીધો છે આ નિર્ણય

• કેન્દ્ર સરકારનો મોટો નિર્ણય
• છેલ્લા 3 મહિનાથી નથી મળી ગેસની સબસિડી
• કેન્દ્ર સરકારને નાબૂદ કરી છે ગેસ સબસિડીની પ્રથા

વધી રહ્યો છે LPG નો ભાવ

એલપીજી સિલિન્ડર પર સબસિડી છેલ્લા એક વર્ષથી કાપવામાં આવી રહી છે. સબસિડી વાળા સિલિન્ડર પણ 100 રૂપિયા મોંઘા કરી દેવાયા છે. આ સાથે તેની સબસિડી ઘટાડવામાં આવી નથી પણ સદંતર બંધ કરી દેવામાં આવી છે. જેના કારણે છેલ્લા 3 મહિનાથી ગ્રાહકોને સબસિડી મળી રહી નથી. 

છેલ્લા એક વર્ષમાં થયા આટલા ફેરફાર

એક વર્ષમાં ઘરેલૂ એલપીજી સિલિન્ડરમાં 100 રૂપિયાનો વધારો કરાયો છે. સબસિડીવાળા સિલિન્ડર 100 રૂપિયા મોંઘા કરાયા છે અને સબસિડી શૂન્ય કરી દેવામાં આવી છે. રાજધાનીમાં 14.2 કિલોના સિલિન્ડરનો ભાવ ગયા વર્ષે જુલાઈમાં 637 રૂપિયા હતો જે હવે ઘટીને 594 રૂપિયા થયો છે. 

મે, જૂન અને જુલાઈ મહિનામાં ખાતેદારોને નથી મળ્યા રૂપિયા

કેન્દ્ર સરકારે મે મહિનામાં એલપીજી કિંમતોમાં સુધારો કરતી સમયે ગેસ સબસિડીને સમાપ્ત કરવાનો નિર્ણય લીધો હતો ત્યારબાદ કોઈને સબસિડીના નાણાં આપવામાં આવ્યા નથી. જેના કારણે ગ્રાહકોને નુકસાન થઈ રહ્યું છે. 

સબસિડી વાળા અને સબસિડી વિનાના ગેસનો ભાવ હવે લગભગ સમાન થયો છે. સબસિડી વિનાના સિલિન્ડરના ભાવ ઘટ્યા છે અને સબસિડીવાળા ગેસ સિલિન્ડરના ભાવમાં વધારો થયો છે. આ કારણે હવે સરકારે સબસિડી આપવાનું બંધ કરવાનો નિર્ણય લીધો છે.