રિલાયન્સ જિયો ગીગાફાયબર માટે જો તમે રજિસ્ટ્રેશન કરાવ્યુ છે તો હજુ ઓછામાં ઓછા ત્રણ મહિના જેટલી રાહ જોવી પડશે. ગીગાફાયબર માટે લોકો હવે રાહ જોઈ રહ્યા છે કે ક્યારે તેમના ઘરે કે પછી ઓફિસમાં તેના લગાવવામાં આવે કેમકે તેમને એવી આશા હતી કે જિયો તેનું ઈન્સ્ટોલેશન ઝડપથી શરૂ કરશે.
આ કારણોથી થશે વિલંબ
કંપનીના સૂત્રોના જણાવ્યા પ્રમાણે ગીગાફયબરને પ્રત્યેક રજિસ્ટ્રેશન પર કનેક્શન આપવા માટે હજી કોઈ તારીખ નક્કી નથી કરવામાં આવી. કંપની હજી રજિસ્ટ્રેશન કરનારા ગ્રાહકોનો સર્વે કરી રહી છે કે શું ખરેખરમાં તે ગીગાફાયબરની સેવાઓ ઈચ્છે છે કે પછી નહીં. સૂત્રોના જણાવ્યા પ્રમાણે કંપની એક જ પેકેજમાં લોકોને ટીવી કનેક્શન બ્રોડબેન્ડ અને લેન્ડલાઈન ફોનની સુવિધા આપશે.
આ માટે માંગી રહી છે તમારી પાસેથી જાણકારી
રિલાયન્સ જિયો હમણા લોકો પાસેથી પોતાની અને પોતાના મિત્રો તેમજ સંબંધિઓ ઉપરાંત સોસાયટી આરડબ્લૂએ વગેરેમાં પણ કનેક્શન લગાવવા માટે રજિસ્ટ્રેશન કરાવી રહી છે. તેનાથી એવી જાણકારી પ્રાપ્ત કરી રહી છે કે ક્યા એરિયામાં તેની નવી સેવાને લેવા માટે લોકોમાં કેટલી ઉત્સુકતા છે.
રજિસ્ટ્રેશન કરાવવાથી નહીં બની શકો ગ્રાહક
જો તમને લાગે છે કે રજિસ્ટ્રેશન કરાવવાથી જ ફક્ત તમે ગીગાફાયબરના સંભવિત ગ્રાહક બની જશો તો એવું નથી. એવું પણ થઈ શકે છે કે કંપની તમને કનેક્શન લગાવવા માટે પૂછે પણ નહીં. કેમકે તે આ રજિસ્ટ્રેશનને ફક્ત એક સર્વે માની રહી છે જેનું કનેક્શન લેવા સાથે કોઈ લેવા દેવા જ નથી.