ભારે કરી / અમદાવાદની મહિલાને ઓનલાઈન થેપલા મંગાવવા પડ્યા મોંઘા, બિલનો ફોટો વાયરલ થયો તો Zomato એ આપી સફાઇ

• ઝોમેટો દ્વારા રેસ્ટોરન્ટમાંથી થેપલા મંગાવ્યા બાદમાં બિલ જોઈ ચોંકી ગઈ મહિલા 
• ફૂડ કન્ટેનર માટે પણ થેપલા જેટલા જ રૂપિયા લેવામાં આવ્યા છે
• ઝોમેટોએ કહ્યું આ યૂનિવર્સલ છે ફૂડ આધારિત 5 થી 18% ટેક્સ લાદવામાં આવે

Zomato Food Bill Controversy: વિચારો કે તમે ઓનલાઈન ફૂડ ઓર્ડર કર્યો છે અને જે કન્ટેનરમાં ફૂડ પેક કરવામાં આવ્યું હતું તેના માટે પણ તમારે તેટલી જ રકમ ચૂકવવી પડે તો? આ વાત સ્વાભાવિક રીતે કોઈને પણ પસંદ ન આવે. જો કે આવું જ કંઈક અમદાવાદમાં એક મહિલા સાથે થયું. આ મહિલાએ ઝોમેટો દ્વારા રેસ્ટોરન્ટમાંથી થેપલા મંગાવ્યા હતા અને બિલ જોઈને તેને ખબર પડી કે તેની પાસેથી ફૂડ કન્ટેનર માટે પણ થેપલા જેટલા જ રૂપિયા લેવામાં આવ્યા છે.

Container charge is equivalent to the item that I have ordered
₹60 for the container charge
Seriously?? @zomato @zomatocare @zomato#zomato #zomato pic.twitter.com/2ceQFgiB5h

— Khushboo Thakkar (@khush_2599) August 2, 2023

વાત એમ છે કે ગુજરાતના અમદાવાદમાં ખુશ્બુ ઠક્કર નામની મહિલાએ ઓનલાઈન ફૂડ ડિલિવરી એપ Zomato પરથી થેપલાની 3 પ્લેટ મંગાવી હતી. જેમાં 1 પ્લેટ થેપલાની કિંમત 60 રૂપિયા હતી. આ હિસાબે થેપલાની 3 પ્લેટનું બિલ રૂ.180 બન્યું. વાત માત્ર અહીં જ અટકી ન હતી. તેમના ઓર્ડર પર પેકેજિંગ ચાર્જના નામે ત્રણ કન્ટેનર માટે 60 રૂપિયા અલગથી વસૂલવામાં આવ્યા હતા. જે બાદ મહિલાએ ઝોમેટોને આ વિશે જાણ કરી હતી. 

ખુશ્બૂ ઠક્કરે તેના ટ્વિટર એકાઉન્ટ પર ફૂડ બિલ અપલોડ કર્યું અને લખ્યું, 'મેં ઓર્ડર કરેલા ફૂડની કિંમત જેટલી જ છે એટલી જ એ ફૂડ કન્ટેનરની કિંમત પણ છે'. આ સાથે, Zomato ને ટેગ કરતી વખતે, ખુશ્બુએ આ વધુ પડતી ફી માટે ખુલાસો પણ માંગ્યો હતો.

Hi Khushboo, while taxes are universal and vary from 5 - 18% depending on the type of food. Packaging charges are levied by our restaurant partners, they are the ones who implement and earn from this practice. For further clarification please feel free to initiate a private (1/2)

— zomato care (@zomatocare) August 2, 2023

Zomatoએ શું કહ્યું?
મહિલાના ટ્વિટ પછી Zomatoએ સ્પષ્ટતા કરી કે 'ખુશ્બુ આ ટેક્સ યૂનિવર્સલ છે અને ફૂડ આધારિત 5 - 18% અલગ અલગ ટેક્સ લાદવામાં આવે છે. અમારા રેસ્ટોરન્ટ ભાગીદારો દ્વારા પેકેજિંગ ચાર્જ વસૂલવામાં આવે છે, તેઓ જ તેમાંથી કમાણી કરે છે. '

ખુશ્બુના આ ટ્વીટ પછી લોકોએ જોરદાર પ્રતિક્રિયા આપી
સોશિયલ મીડિયા પર Zomato અને તેના રેસ્ટોરન્ટ પાર્ટનર્સને ઘણી પ્રતિક્રિયા આપવામાં આવી રહી છે. એક વ્યક્તિએ તો ત્યાં સુધી લખ્યું કે થેપલાને પેક કરવા માટે રૂ. 60 ખૂબ જ વધારે ચાર્જ છે. બજારમાં એક કન્ટેનર રૂ.4માં મળે છે.