અમદાવાદ / હાલ રાજ્ય પર કોઈ સિસ્ટમ સક્રિય નથી, વરસાદ અંગે હવામાન વિભાગની આગાહી

• અમદાવાદમાં સામાન્ય વરસાદની આગાહી
• આગામી 5 દિવસ પડી શકે છે સામાન્ય વરસાદ 
• હાલ રાજ્ય પર સીસ્ટમ સક્રિય નથી 

રાજ્યમાં હાલ વરસાદે વિરામ લીધો છે ત્યારે અમદાવાદમાં આગામી 5 દિવસ સામાન્ય વરસાદની આગાહી કરવામાં આવી છે. બીજી તરફ હાલ રાજ્ય પર કોઈ સીસ્ટમ સક્રિય ન હોવાથી અમદાવાદમાં સામાન્ય વરસાદ પડી શકે છે. તેમ હવામાન વિભાગના અધિકારીએ જણાવ્યું છે. મહત્વનું છે કે આગામી 5 દિવસ સામાન્ય વરસાદની આગાહી કરવામાં આવી છે. દક્ષિણ ગુજરાત, સૌરાષ્ટ્રમાં સામાન્યથી મધ્યમ વરસાદ રહેશે. જ્યારે  ઉત્તર ગુજરાત, મધ્ય ગુજરાતમાં સામાન્ય વરસાદી ઝાપટા રહેશે. રાજ્યભરમાં વાદળછાયુ વાતાવરણ રહેશે તેમ હવામાન વિભાગે જણાવ્યું હતું. સાથે એમ પણ જણાવ્યું કે રાજ્યમાં હાલ ભારે વરસાદથી રાહત મળશે કારણ કે હાલ કોઇ વરસાદી સિસ્ટમ સક્રિય નથી.

 
અંબાલાલ પટેલ દ્વારા હળવા વરસાદની આગાહી 
હવામાન નિષ્ણાંત અંબાલાલ પટેલ દ્વારા આજથી રાજ્યમાં હળવા વરસાદની આગાહી કરવામાં આવી છે. 30 અને 31 ઑગષ્ટે પણ વરસાદની આગાહી કરવામાં આવી છે. એટલે કે ગણેશ ચતુર્થીના તહેવાર પર વરસાદની શક્યતા છે. સપ્ટેમ્બરની શરૂઆતમાં પણ વરસાદની સંભાવના વ્યક્ત કરવામાં આવી છે.  5 સપ્ટેબર સુધી વરસાદની શક્યતા છે.  8 થી 11 સપ્ટેબર કેટલાક વિસ્તારોમાં વરસાદ વરસશે.  જ્યારે  સૌરાષ્ટ્ર, દક્ષિણ ગુજરાતમાં વરસાદની સંભાવના છે. મધ્ય ગુજરાત, ઉત્તર ગુજરાતમાં વરસાદની સંભાવના વ્યક્ત કરવામાં આવી છે. 
 
રાજ્યના 17 જિલ્લામાં 100 ટકાથી વધુ વરસાદ
મહત્વનું છે કે રાજ્યના 17 જિલ્લામાં સીઝનનો 100 ટકાથી વધુ વરસાદ નોંધાયો છે. વધુમાં 12 જિલ્લામાં 80થી 99 ટકા વરસાદ નોંધાયો છે. ઉપરાંત સૌથી વધુ કચ્છ જિલ્લામાં 155 ટકા વરસાદ પડ્યો છે. ઉપરાંત નર્મદા જિલ્લામાં 139 ટકા, બનાસકાંઠા જિલ્લામાં 129 ટકા વરસાદ અને પોરબંદર જિલ્લામાં 127 ટકા તથા ગીર સોમનાથ જિલ્લામાં 116 ટકા વરસાદ અને સાબરકાંઠા જિલ્લામાં 115 ટકા, વલસાડ જિલ્લામાં 114 ટકા વરસાદ ખાબકયો છે.આ ઉપરાંત ગાંધીનગર જિલ્લામાં 110 ટકા, પાટણ જિલ્લામાં110 ટકા, નવસારી જિલ્લામાં 110 ટકા, દ્વારકા જિલ્લામાં 107 ટકા, મહેસાણા જિલ્લામાં 106 અને જૂનાગઢ જિલ્લામાં 105 ટકા વરસાદ નોંધાયો છે તથા ભરૂચ જિલ્લામાં 104 ટકા, સુરત જિલ્લામાં 104 ટકા અને છોટાઉદેપુર જિલ્લામાં 100 ટકા તેમજ ડાંગ જિલ્લામાં 100 ટકા વરસાદ થયો હોવાનું તંત્રના ચોપડે નોંધાયો છે.