ટિકટોક પર વીડિયો બનાવનાર સસ્પેન્ડેડ પોલીસકર્મી અર્પિતા ચૌધરીએ હવે ગુજરાતી આલ્બમ ગીત બનાવ્યુ છે. જેને લઇને વિવાદ ઉભો થયો છે. અર્પિતા ચૌધરીએ જાણીતા કલાકાર જીગ્નેશ કવિરાજ સાથે વીડિયો સોન્ગ કર્યું છે.
અર્પિતા ચૌધરીએ ગીતકાર મનુરબારી સાથે મળીને ગીત બનાવ્યુ છે. ગીતના શુટિંગના કારણે અલ્પિતાની નોકરી પર ખતરો આવે તેવી શક્યતા છે. આ પહેલા પોલીસ સ્ટેશનમાં અર્પિતા ચૌધરીએ ટિકટોક પર વીડિયો બનાવ્યો હતો. અર્પિતા ચૌધરીનો ટિકટોકના વીડિયો વાયરલ થતા પોલીસે કાર્યવાહી કરી અને અર્પિતા ચૌધરીને સસ્પેન્ડ કરવામાં આવી આવી હતી.
સસ્પેન્ડેડ પોલીસકર્મીના આલ્બમને લઈને વિવાદ શરૂ થયો છે. જ્યારે આ મામલે મહેસાણાના SP નિલેષ જાજડિયાએ નિવેદન આપ્યુ છે કે, અર્પિતા ચૌધરીએ પોલીસ મેન્યુઅલનો ભંગ કર્યો છે. અર્પિતાએ આલ્બમ બનાવવા માટે કોઈ પણ પ્રકારની મંજૂરી લીધી નથી. આલ્બમ બનાવવા માટે પોલીસ વિભાગ તરફથી પણ કોઈ પણ પ્રકારની પરવાનગી આપવામાં આવી નથી.
આ પહેલા અર્પિતા ચૌધરીએ પોલીસ સ્ટેશનમાં ટિકટોક પર વીડિયો બનાવતા પોલીસ વિભાગ દ્વારા સસ્પેન્ડ કરવામાં આવ્યા હતા. સસ્પેન્ડેડ પોલીસકર્મીએ આલ્બમ બનાવતા ફરી એક વખત વિવાદ શરૂ થયો છે. જ્યારે અહીં અનેક સવાલો ઉભા થઇ રહ્યા છે.