સત્તાના સોગઠાં / ...તો શું ભાજપના જ આ દિગ્ગજ નેતાને કારણે બચી ગઈ ગેહલોતની રાજગાદી ?

• રાજસ્થાનમાં રણમાં વિદ્રોહના કારણે રાજનીતિક તોફાન 
• રાજસ્થાન ભાજપમાં વસુંધરા રાજેની પકડ 
• પ્રદેશમાં આટલી મોટી ઘટના છતાં એક શબ્દ ન બોલ્યા વસુંધરા 

રાજસ્થાનની રાજનીતિ નિષ્ણાતોનો વધુ એક અહેવાલ સામે આવ્યો છે જેમાં માનવામાં આવી રહ્યું છે કે પૂર્વ સીએમ અને દિગ્ગજ ભાજપ નેત્રી વસુંધરા રાજેના મૌને ગેહલોતની સરકાર બચાવી લીધી. ભાજપમાં વસુંધરા રાજે ઘણા સમયથી હાંસિયા પર છે પરંતુ ભાજપના ધારાસભ્યોમાં તેમની આજે પણ જોરદાર પકડ છે. પરંતુ ભાજપ માટે સમસ્યા હતી કે જો સચિન પાયલટને સામેલ કરી પણ લે તો સીએમ કોણ વસુંધરા રાજે બનશે કે સચિન ? 

પરંતુ આ સમગ્ર ઘટનાક્રમ દરમિયાન વસુંધરા રાજે ધૌલપુરમાં જ રહ્યા. તે ના જયપુર આવ્યા ના દિલ્હી. પ્રદેશમાં આટલા મોટા રાજનીતિક સંકટ પર વસુંધરા રાજે એક શબ્દ ન બોલ્યા. વસુંધરા રાજેની આ ચુપ્પીનાં કારણે જ ભાજપ બેકફૂટ પર આવી ગઈ. 

વસુંધરા રાજે સચિનનું સમર્થન ના કરે તેનું વધુ એક કારણ છે ગેહલોત અને અશોક ગેહલોતના સારા સંબંધ. નોંધનીય છે કે હાઈકોર્ટે વસુંધરાને સરકારી બંગલો ખાલી કરવા આદેશ કર્યો હતો પરંતુ ગેહલોત સરકાર તેમને છાવરતી રહી અને કોઈ જ નોટિસ ન આપી. જ્યારે બીજી તરફ આ જ સરકારે કિરોડીવાલા મીણા અને જગન્નાથ પહાડિયા જેવા પૂર્વ સીએમના બંગલા ખાલી કરાવડાઈ દીધા. 

ભાજપના સૂત્રોનું માનવું છે કે જો રાજ્યમાં ભાજપ સરકાર બનાવી લેત તો કોઈ યુવાનને જ મોકો મળ્યો હોત અથવા સચિનને પણ સીએમ બનાવવા સમર્થન આપી દેવામાં આવ્યું હોટ એવામાં વસુંધરા રાજેને કોંગ્રેસ સરકાર પડવાથી ફાયદાથી વધારે નુકસાન દેખાયું તેથી વસુંધરાએ પોતાને આ સમગ્ર ઘટનાક્રમથી અલગ કરીને મૌન ધારણ કરી લેતા ભાજપ કોઈ રાજકારણ કરી શક્યું નહીં.