અમદાવાદમાં વિકએન્ડ કર્ફ્યૂનો બીજો દિવસની શરૂઆત પણ શાંતિપૂર્વક થઈ હતી અને રસ્તાઓ સાવ ખાલીખમ જોવા મળ્યા હતા ત્યાં સુધી કે ઘણા લોકોએ તો ઘરના દરવાજા સુધી ખોલવાની ઝહેમત ઉઠાવી નહોતી.
અમદાવાદ શહેરમાં કફર્યૂનો બીજો દિવસ
જનતા આપી રહી છે કફર્યૂમાં સહકાર
દૂધ ખરીદવા માટે લોકોની અવરજવર
ગુજરાતમાં કોરોના વાયરસનો બોમ્બ ફૂટ્યો છે ત્યારે ગુજરાતમાં મોટા શહેરોમાં રાત્રી કર્ફ્યૂ અને અમદાવાદમાં 2 દિવસનો વિકએન્ડ કર્ફ્યૂ આપી દેવામાં આવ્યો છે. આજે કર્ફ્યૂનો બીજો દિવસે છે ત્યારે પણ રસ્તા સૂમસામ જોવા મળ્યા હતા.
ગઈકાલે નોંધાયેલા કેસ
કોરોના વાયરસના નવા કેસની સામે આજે 1271 દર્દીઓ સાજા થતા કુલ સાજા થયેલા દર્દીઓનો આંકડો 1,78,786 પર પહોંચ્યો છે. આજે 9 દર્દીઓના કોરોનાને કારણે મોત થતા કુલ મૃત્યુઆંક 3846 પર પહોંચ્યો છે.
રાજ્યમાં હાલમાં 13285 એક્ટિવ કેસ છે. રાજ્યમાં રિકવરી રેટ 91.26 ટકા થયો છે. તો ગુજરાતમાં કોરોના વાયરસના ટેસ્ટ વધારવા માટે સતત પ્રયાસ કરવામાં આવી રહ્યો છે ત્યારે રાજ્યમાં આજે કુલ 70,388 નવા ટેસ્ટ કરવામાં આવ્યા છે. જેને લઇને કુલ ટેસ્ટનો આંકડો 71,71,445 પર પહોંચ્યો છે.
અમદાવાદ જિલ્લામાં 373 કેસ આવતા ચિંતા વધી
આજે અમદાવાદ શહેરમાં 354, અમદાવાદ જિલ્લામાં 19, સુરત શહેરમાં 211, સુરત જિલ્લામાં 51, વડોદરા શહેરમાં 125, વડોદરા જિલ્લામાં 39 , રાજકોટ શહેરમાં 89, રાજકોટ જિલ્લામાં 48, મહેસાણામાં 53, પાટણમાં 51, ગાંધીનગર શહેરમાં 53, ગાંધીનગર જિલ્લામાં 36 કોરોનાના કેસ નોંધાયા છે.
અમદાવાદમાં કર્ફ્યુથી સૂમસાન પડ્યા રસ્તા
કોરોના વિસ્ફોટને કારણે શની-રવિ કર્ફ્યૂ લાદી દેવામાં આવ્યો છે પણ જો હજુ પણ લોકો ભીડ ભેગી કરશે તો કોરોના હજુ વકરવાની વકી છે ત્યારે અમદાવાદ સહીતના ગુજરાતના તમામ શહેરોએ ચેતવાની જરૂર છે અને જરૂર સિવાય ભીડ ભેગી કરી કોરોનાને ફેલાવવા મોકળુ મેદાન આપવા કરતા સ્વંભૂ સોશિયલ ડિસ્ટન્સિંગનું પાલન થશે તો અને તો જ કોરોનાને નાથી શકાશે.