ઊંઝા એશિયાના સૌથી મોટા મસાલા અને જીરું બજાર તરીકે જાણીતું છે અને સમગ્ર ભારતમાં સૌથી મોટા નિયંત્રિત બજારોમાંનું એક છે.
ઊંઝા APMCમાં જીરાનો ઐતિહાસિક ભાવ
20 કિલો જીરાના 11,111 રૂપિયા બોલાયા
વરસાદની આગાહીને લઇને બોલાયો ઊંચો ભાવ
ઊંઝા APMCના ઈતિહાસમાં પ્રથમ વખત જીરાનો સૌથી ઊંચો ભાવ બોલાયો છે.જીરા માટે પ્રખ્યાત ઊંઝા APMCમાં આજે 20 કિલોનો ઐતિહાસિક 11,111 રૂપિયા ભાવ બોલાયો છે.વરસાદ પડવાથી જીરાના પાકમાં બગાડ થતો હોય છે, ત્યારે હવામાન વિભાગે રાજસ્થાનમાં વરસાદની આગાહી કરી છે.આ આગાહીને ધ્યાનમાં રાખીને મણના 11,111 રૂપિયા ભાવ બોલાયો હોવાનું માનવામાં આવી રહ્યું છે.જીરાનો આટલો ભાવ બોલાતા ખેડૂતો ખુશખુશાલ થયા છે.
આ હરાજી પરથી અનુમાન લાગી શકે છે કે જીરાના ભાવ આ સિઝનમાં સારા રહેશે
મહત્વનું છે કે ઊંઝા એશિયાના સૌથી મોટા મસાલા અને જીરું બજાર તરીકે જાણીતું છે અને સમગ્ર ભારતમાં સૌથી મોટા નિયંત્રિત બજારોમાંનું એક છે. શિયાળાની સિઝનમાં જીરાનો પાક લેવામાં આવે છે પણ કમોસમી વરસાદના કારણે આ પાકને ખૂબ જ માઠી અસર પડી છે એટલે આ વખત જીરાના ભાવ સારામાં સારા રહે તેવી શકયતા ઉપરોક્ત થયેલી હરાજીથી માની શકાય તેમ છે.
શું કહેવું છે ઊંઝા માર્કેટ યાર્ડના સત્તાધીશોનું?
ઊંઝા માર્કેટ યાર્ડના સત્તાધીશોના જણાવ્યા અનુસાર 1 બોરી નવા જીરાની આવક માર્કેટમાં પહેલી વખત હતી. નજીવું જીરું હોવાના લીધે હરાજીમાં આટલા ભાવ બોલાયા છે. સામાન્ય રીતે હાલ જીરાના 3 હજારથી 3500 સુધીના ભાવ ચાલે છે. ખેડૂતો કોઈ ગેરમાર્ગે ન દોરાય તેના લઈને આ સ્પષ્ટતા કરવામાં આવી છે.
જીરુંનો ઉપયોગ શું?
જીરું, ગરમ મસાલા અને કરી પાઉડરના મુખ્ય મસાલાઓમાંનું એક છે. જીરું તેની સુગંધ અને ઔષધીય ગુણધર્મો માટે ખાસ કરીને લોકપ્રિય છે જીરુંનો ઉપયોગ તેમના વિશિષ્ટ સ્વાદ અને સુગંધ માટે મસાલા તરીકે થાય છે. ભારતમાં, જીરુંનો ઉપયોગ હજારો વર્ષોથી અસંખ્ય કોરમા, મસાલા, સૂપ અને અન્ય મસાલેદાર ગ્રેવીના પરંપરાગત ઘટક તરીકે કરવામાં આવે છે. જીરુંના બીજમાં સુગંધિત ગંધ અને કડવો સ્વાદ હોય છે. તેનો ઉપયોગ મસાલા તરીકે થાય છે અને તે કરી પાઉડર, બ્રેડ, કેક અને ચીઝની સીઝનીંગમાં એક ઘટક છે. જુઓ હરાજીનો વાયરલ વીડીયો
જીરુંનો ઉપયોગ ગ્રાઉન્ડ અથવા આખા બીજ તરીકે કરી શકાય છે.તેનો ઉપયોગ કેટલાક અથાણાં અને પેસ્ટ્રીમાં ઘટક તરીકે પણ થાય છે. તે વૈશ્વિક સ્તરે લોકપ્રિય છે અને ઘણી વાનગીઓમાં, ખાસ કરીને દક્ષિણ એશિયન, ઉત્તરી આફ્રિકન અને લેટિન અમેરિકન વાનગીઓમાં આવશ્યક સ્વાદ છે. સંસ્કૃતમાં જીરાને જીરકા તરીકે ઓળખવામાં આવે છે. જીરાનો અર્થ થાય છે "જે પાચનમાં મદદ કરે છે". દવામાં, તેનો ઉપયોગ ઉત્તેજક, કાર્મિનેટીવ, પેટ અને એસ્ટ્રિંજન્ટ તરીકે થાય છે.
શું છે હવામાન વિભાગની આગાહી?
રાજ્યમાં ફરી કમોસમી વરસાદનું સંકટ.રાજ્યમાં ત્રણ દિવસ કમોસમી વરસાદની હવામાન વિભાગે આગાહી કરી છે.ત્રણ દિવસ વાદળછાયું વાતાવરણ રહેશે.ઉત્તર ગુજરાત, સૌરાષ્ટ્ર, મધ્ય ગુજરાતમાં વરસાદની શક્યતા છે.વેસ્ટર્ન ડિસ્ટર્બન્સની અસરને લીધે વરસાદ રહેશે.દરિયાકાંઠામાં 60 કિમીની ઝડપે પવન ફુંકાશે.જેને લઇને 3 દિવસ માછીમારોને દરિયો ન ખેડવા સૂચના પણ આપવામાં આવી છે.20 જાન્યુઆરીના બનાસકાંઠા, પાટણ, કચ્છમાં હળવા વરસાદની શક્યતા છે.તો 21 જાન્યુઆરીએ અરવલ્લી, બનાસકાંઠા, મહેસાણામાં વરસાદ થશે.પાટણ, સાબરકાંઠા, જૂનાગઢ, મોરબી, જામનગર, રાજકોટ અને કચ્છના વિસ્તારોમાં પણ વરસાદ થઈ શકે છે..22 જાન્યુઆરીએ દાહોદ, પંચમહાલ, વડોદરા, ભરૂચ, છોટાઉદેપુર, સુરતમાં કમોસમી વરસાદ થશે.