ફાયદાકારક / સવારે નાસ્તો કર્યા પહેલાં ગોળ અને જીરાનું પાણી પીવો, કબજિયાત, શરીરની ગરમી સહિત આ રોગો થશે દૂર

ગોળ અને જીરાનું પાણી બનાવવાની રીતઃ

એક વાસણમાં 1 કપ પાણી લઈ તેમાં 1 ચમચી ગોળ અને 1 ચમચી જીરું મિક્સ કરી 5 મિનિટ ઉકાળો. પછી નવશેકું રહે એટલે ગાળીને પીવો.

કબજિયાત થતાં રોકે છે

જીરું અને ગોળનું પાણી પીવાથી કબજિયાતની સમસ્યાથી છૂટકારો મળે છે. આ બોવેલ મૂવમેન્ટને સુધારે છે. જેનાથી લાંબા સમયથી હેરાન કરતી કબજિતાય દૂર થાય છે.

બ્લોટિંગમાં લાભકારી

પાણીમાં જીરું અને ગોળ ઉકાળીને પીવાથી બ્લોટિંગ અને ગેસની સમસ્યા ખતમ થઈ જાય છે. આ ન્યૂટ્રલાઈઝર તરીકે કામ કરે છે. જે એસિડિટીની સમસ્યા પણ દૂર કરવામાં મદદ કરે છે.

માસિકને નિયંત્રિત કરે છે

મહિલાઓમાં હોર્મોન્સ સંબંધી સમસ્યાઓ વધુ જોવા મળે છે. જીરું અને ગોળનું પાણી હોર્મોન્સને સંતુલિત કરીને માસિક ચક્રને નિયમિત કરવામાં મદદ કરે છે.

શરીરની ગરમી દૂર કરે છે

ઘણાં લોકોના શરીરનું તાપમાન અચાનક વધી જાય છે અને બોડી ગરમ પણ રહે છે. જીરું અને ગોળનું પાણી આવા લોકો માટે ફાયદાકારક છે. આ શરીરની ગરમીનું બેલેન્સ જાળવી રાખે છે અને તાવ, માથાનો દુખાવો જેવી સમસ્યાઓથી બચાવવામાં પણ મદદ કરે છે.

શરીરના દુખાવામાં રાહત

મોસમમાં ચેન્જ આવવાથી ઘણાં લોકોને શરીરમાં દુખાવો અને સોજાની પ્રોબ્લેમ થાય છે. ગોળ અને જીરાની આ ડ્રિંકમાં એન્ટીઈન્ફ્લામેટરી ગુણ હોય છે. જે સોજાની સમસ્યામાં રાહત આપે છે.