શૉકિંગ ન્યૂઝ / યુવતી સાથે ફ્રેન્ડશીપ ભારે પડી: વેપારીને કારમાં હાઇવે પર બોલાવી કર્યું એવું, આબરૂ બચાવવી બની મુશ્કેલ

• મહિલાની ફ્રેન્ડ રિક્વેસ્ટ સ્વીકારતા પહેલા સાવધાન
• મિત્રતા કેળવીને પૈસા પડાવી બ્લેકમેઇલ કરતી યુવતી
• વેપારી સાથે છેતરપિંડી થતા નોંધાઇ ફરિયાદ 

જો તમને સોશિયલ મીડિયા પર કોઈ યુવતી ફ્રેન્ડ રિકવેસ્ટ મોકલે તો હરખાવાનાં બદલે ચેતી જજો કારણ કે તમે બની શકો છો હનીટ્રેપનાં શિકાર અને જે-તે યુવતી તમારા બેંક એકાઉન્ટ અને ખિસ્સા ખાલી કરી નાખશે... અમદાવાદનાં નરોડામાં રહેતા એક વેપારીને આ જ પ્રકારની મિત્રતા ભારે પડી છે.. સોશિયલ મીડિયા થકી મિત્રતા કરી યુવતીએ કારમાં વેપારીને ઉત્તેજીત કરી બનાવ્યો વીડિયો અને પછી શરૂ થયો હનીટ્રેપનો ખેલ..શું છે સમગ્ર મામલો. જોઈએ આ અહેવાલ,,

ફ્રેન્ડ રિક્વેસ્ટ મોકલીને કેળવી મિત્રતા, પછી ખંખેર્યો વેપારીને 

દ્રશ્યોમાં દેખાતી આ સુંદર યુવતીને જોઈને પ્રથમ નજરે એમ લાગે કો કોઈ મોડલ છે.. પરંતુ આ યુવતી કોઈ મોડલ કે એક્ટ્રેસ નથી, વેપારીઓને ટ્રેપમાં ફસાવી પૈસા પાડનારી નિતા આહુજા નામની આરોપી છે.. રેડીમેઈડ કપડાનાં કમિશનનો વેપાર કરતા વેપારીએ ફેસબુક પર નિતા આહુજા નામની યુવતીની ફ્રેન્ડ રીકવેસ્ટ મોકલી મિત્રતા કરી, જે બાદ ફોન પર વાતો કરી એક દિવસ વેપારીને મળવા માટે નાના ચીલોડા સર્કલ પર બોલાવ્યા..બન્ને જણાં કારમાં ગાંધીનગર તરફ ગયા જ્યાં રસ્તામાં યુવતીએ વેપારીને શારીરિક છેડછાડ કરીને ઉત્તેજતા જગાવી. .જે બાદ બન્ને છુટા પડ્યા હતા..બાદમાં આરોપી નિતાએ વેપારી પાસેથી કપડા ખરીદવાની માંગ કરી ગાંધીનગર લઈ જઈ 15 હજાર રૂપિયાની ખરીદી કરી હતી..   જે બાદ યુવતીએ ટુકડે ટુકડે વેપારી પાસેથી 50 હજાર જેટલી રકમ પડાવી.

અંગતપળોનો વીડિયો બનાવીને કર્યો બ્લેકમેઇલ

20 દિવસ પહેલા વેપારીને આરોપી નિતા આહુજાએ ફોન કરી નિકોલ ખાતે વકીલની ઓફિસે મળવા બોલાવ્યો..જ્યાં રાજેશ સોલંકી નામનાં વકીલે નિતા આહુજા પાસે તમારો વીડિયો છે અને પોલીસમાં ફરીયાદ કરવાનું કહે છે તેમ જણાવી ડરાવ્યો હતો અને બાદમાં વેપારીને ઘી કાંટા કોર્ટમાં મળવા બોલાવી 10 લાખ રૂપિયાની માંગ કરી હતી..આરોપી નિતા આહુજાએ વેપારીને ફોન કરીને પૈસાની માગ કરી વીડિયો વાયરલ કરવાની ધમકી આપી અંતે વેપારીએ નરોડા પોલીસ મથકે ફરીયાદ નોંધાવતા પોલીસે ગુનો નોંધી આરોપીની ધરપકડ કરવા તજવીજ હાથ ધરી છે..

વેપારીએ નોંધાવી પોલીસ ફરિયાદ 

વેપારીએ વકીલને પોતે કશું કર્યું નથી તેવુ કહેતા છતાં વકીલે તારી કોઈ ફરીયાદ સાંભળશે નહી અત્યારે સ્ત્રીનો કાયદો છે..અને નિતા આહુજાએ ઘણાં લોકો પાસેથી રૂપિયા છુટા કરેલા છે, તું પણ તારી ઈજ્જત બચાડી પૈસા આપી છુટો પડી જા...જેથી આ મામલે આરોપી યુવતી પકડાયા બાદ કેટલા લોકોને તેણે શિકાર બનાવી પૈસા પડાવ્યા છે તે અંગે નરોડા પોલીસ તપાસ હાથ ધરશે.. જોકે હાલતો યુવતીને પકડવા અલગ અલગ ટીમો કામે લગાડવામાં આવી છે..