'ધોની સેના'એ કન્ફર્મ કરી ફાઇનલની ટિકિટ રોમાંચક રીતે SRHને કરી ભોંય ભેગી

IPL11માં આજરોજ CSK અને સનરાઈઝર્સ હૈદરાબાદ વચ્ચે મહામુકાબલો જામી પડ્યો હતો. આ મેચ ખુબ જ રોમાંચક બની હતી જેમાં CSKએ સનરાઇઝર્સ હૈદરાબાદને હરાવીને ફાઇનલમાં પ્રવેશ કર્યો હતો.આ મેચ એટલી રોમાંચક બની હતી કે તેમાં CSKએ માત્ર 2 વિકેટે સનરાઈઝર્સ હૈદરાબાદને હરાવેલ.

જો કે આજે જામેલ મહામુકાબલામાં ધોનીના ચાહકોમાં ખાસ રોમાંચ જોવા મળ્યો હતો. આ મેચમાં હૈદરાબાદે પ્રથમ બેટિંગ કરીને 139 રન બનાવ્યા હતા જેના જવાબમાં ચેન્નઈએ 19.1 ઓવરમાં 8 વિકેટ ગુમાવી ટાર્ગેટ પાર કર્યો હતો. ચેન્નઈ તરફથી ફાફ ડુ પ્લેસિસે અણનમ 67 રનની મેચ વિનિંગ ઈનિંગ રમી હતી અને સમગ્ર મેચને ફાઇનલ સુધી લઇ ગયેલ.
 

The @ChennaiIPL have beaten #SRH by 2 wickets and are through to the #IPLFinal for the 7th time. On Sunday they will be gunning for their third title. #VIVOIPL #SRHvCSK pic.twitter.com/2qJTXM94vD

— IndianPremierLeague (@IPL) May 22 2018

ઉલ્લેખનીય છે કે આ મેચમાં CSKને 140 રનનો ટારગેટ આપવામાં આવ્યો હતો.જો કે સામાન્ય લાગતા આ લક્ષ્યાંકને પાર પાડતા ચેન્નાઇની નવ નેજા પાણી નીતરી ગયા હતા એક સમયે ચેન્નાઇ માટે હાર નિશ્વિત લાગતી હતી અને 92 રને જ તેની 7 વિકેટ ભોંય ભેગી કરી હતી. તો બીજી તરફ ફેફ ડ્યુપ્લેસિસ એકલે હાથે બીજો છેડો જાળવી રહ્યો હતો. પ્લેસિસે અંત સુધી ટકીને ટીમને જીત અપાવી હતી.

તેણે 42 બોલમાં 5 ચોગ્ગા અને 4 છગ્ગાની મદદથી 67 રન બનાવ્યા હતા. તો અંતમાં શાર્દુલ ઠાકુરે 5 બોલમાં 15 રન ફટકારી જીતમાં મહત્વની ભૂમિકા ભજવી હતી. આ સિવાય ચેન્નાઇ તરફથી રૈનાએ 22 રન બનાવ્યા હતા. જ્યારે અન્ય બેટ્સમેનો નિષ્ફળ રહ્યા હતા.આપને જણાવી દઇએ કે આ મેચ મુંબઇના વાનખેડે સ્ટેડિયમ ખાતે યોજાઇ હતી. ખાસ કરીને ધોનીના ચાહકો તથા અન્ય નગરજનો મોટી સંખ્યા હાજર રહ્યા હતા. અને કેટલાય સ્થળે આ જીતને ફટાકડા ફોડીને વધાવવામાં આવી હતી.