ચેન્નઈ સુપરકિંગ્સે આઈપીએલ પ્રીમિયર લીગ(IPL) 2021માં ભવ્ય જીત મેળવી છે. દુબઈમાં રમાયેલા ફાઇનલ મુકાબલામાં CSKએ KKRને 27 રનથી હરાવ્યું. જ્યાં ધોનીની ટીમ ચોથી વખત આઈપીએલ ખિતાબ જીતવામાં સફળ રહી. ત્યારે KKRનું ત્રીજી વખત ફાઇનલ મેચ જીતવાનું સપનું રોળાયું.
ધોનીની ટીમનો ટ્રોફી પર કબજો
CSK બન્યું 4થી વખત IPL ચેમ્પિયન
ચેન્નઈએ 20 ઓવરમાં 192 રન બનાવ્યા હતા
KKRને આપ્યો 193 રનનો લક્ષ્યાંક હતો
દુબઈમાં ઇન્ડિયન પ્રીમિયર લીગ 2021ના ફાઈનલ મુકાબલો ચેન્નઈ સુપર કિંગ્સ અને કોલકાતા નાઈટ રાઈડર્સ વચ્ચે હતો. દુબઈ ઇન્ટરનેશનલ ક્રિકેટ સ્ટેડિયમમાં બન્ને ટીમો આમને-સામને હતી. ધોનીની ટીમ ચોથી વખત ફાઈનલમાં જીત્યું છે. CSKએ KKRને 27 રનથી હરાવ્યું છે.
ધોનીની કપ્તાની હેઠળની ચેન્નઈ સુપર કિંગ્સે ઇન્ડિયન પ્રીમિયર લીગ 14નો ખિતાબ જીતી લીધો છે. શુક્રવારે રમાયેલા ફાઇનલ મુકાબલામાં ચેન્નઈ સુપર કિંગ્સે કોલકાતા નાઈટ રાઈડર્સને 27 રનથી હરાવ્યું. ચેન્નઈની આઈપીએલમાં આ ચોથી જીત છે. આ પહેલા તેમણે 2010, 2011 અને 2018માં ટ્રોફી પર કબ્જો કર્યો હતો.
બીજી તરફ 2008, 2010, 2011, 2012, 2013, 2015, 2018 અને 2019માં ચેન્નઈએ ફાઇનલમાં એન્ટ્રી મારી હતી, પરંતુ જીત માત્ર 2010, 2011 અને 2018માં જ મળી હતી. છેલ્લી 8 ફાઈનલમાં 5 વખત હારનો સામનો કરનારી આ ટીમે 14મી સીઝનમાં કોઈ ભૂલ નથી કરી.
ભારતમાં જીતી સતત 5 મેચ
સૌથી પહેલા પ્લેઑફ અને ફાઈનલ માટે ક્વૉલીફાઈ કરનારી ચેન્નઈ પોતાની આઈપીએલ અભિયાનની શરૂઆત હાર સાથે કરી હતી. મુંબઈમાં આ મેચમાં જ્યારે દિલ્હી કેપિટલ્સથી તેને હાર મળી તો લાગ્યું કે ગત વર્ષનું ખરાબ ફોર્મ હજુ સુધી સુધર્યું નથી. પરંતુ સતત 5 મેચ જીતતા જ ધોનીએ બતાવી દીધું કે કેપ્ટનશીપનો ચમત્કાર યથાવત્ છે. ઇન્ડિયા લેકમાં આ ટીમને કેકેઆરને પણ 18 રનથી હરાવ્યું હતું. મુંબઈએ જીતનો ક્રમ તોડ્યો હતો.
— Chennai Super Kings - Mask P😷du Whistle P🥳du! (@ChennaiIPL) October 15, 2021
ફાઈનલ મેચમાં કોલકાતાએ પહેલી 10 ઓવર્સ સુધી જોરદાર લડત આપતા લાગતું હતું કે ટક્કર બરાબરની થશે. પરંતુ મેચની 11-12મી ઓવરથી પાસું પલટાવવું શરુ થયું. એક-બે વિકેટ સુધી તો વાંધો નહોતો. પછી તો 'તું જા, હું આવું છું'વાળી શરુ થઇ હતી.
ચેન્નઈ સુપર કિંગ્સ સામે કોલકાતા ઘૂટણીએ પડી ગયું હોય તેમ ઓપનર સિવાય એક પણ બેટધર કૌવત દાખવી શક્યો નહતો.અત્યારે ચેન્નાઈ સુપર કિંગ્સ ભવ્ય રીતે નિશ્ચિત જીત તરફ આગળ વધી ગયું છે. આ મેચમાં શાનદાર શરૂઆતી પ્રદર્શન બાદ કોલકાતા,બિલકુલ બેકફૂટ પર ધકેલાઈ ગયું. શરૂઆતી 10 ઓવર્સમાં કોકાતાએ ચેન્નાઈની બરોબરી કરી લીધી હતી. શુભમનની બેટિંગ જોતા લાગતું હતું કે કોલકાતા જીતી જશે. 16.3 ઓવરમાં 125 રનમાં કોલ્કાતાએ 8 વિકેટ ગુમાવી હતી.
ચેન્નઈ સુપરકિંગ્સને કોલકાતા નાઈટ રાઇડર્સે આઈપીએલ જીતવા માટે 193 રનનો લક્ષ્યાંક આપ્યો હતો. ટૉસ હારીને પહેલા બેટિંગ કરવા ચેન્નઈએ ત્રણ વિકેટ પર 192 રન બનાવ્યા હતા. ફાફ ડુ પ્લેસિસે સૌથી વધુ 86 અને મોઈન અલીએ અણનમ 37 રન બનાવ્યા હતા. ત્યારે ઋતુરાજ ગાયકવાડે 32 અને રૉબિન ઉથપ્પાએ 31 રનનું યોગદાન આપ્યું. કોલકાતા તરફથી સુનીલ નરેને 2 અને શિવમ માવીએ 1 વિકેટ ઝડપી હતી.