IPL 2022 માટે કઈ ટીમ કયા ખેલાડીને રિટને કરશે તેની જાહેરાત કરી દેવાઈ છે.
IPL 2022 રિટેન્શન માટે ખેલાડીઓની જાહેરાત
રાજસ્થાન રોયલ્સે કેપ્ટન સંજૂ સેમસનને 14 કરોડમાં કર્યો રિટેન
સુરેશ રૈના, દિપક ચાહર અને શાર્દુલ ઠાકુરે ચેન્નઈ છોડી
ઓલરાઉન્ડર મોઈન અલીને 8 કરોડમાં ચેન્નઈ સુપરકિંગ્સે કર્યો રીટેન
મુંબઈ ઈન્ડીયન્સે હાર્દીક પંડ્યાને પડતો મૂક્યો
રોહિત શર્માને હવે ધોની કરતા વધારે ફી મળશે
IPLની 8 ટીમોએ 2022 ની સીઝન માટે રિટેન કરવામાં આવેલા તેના ખેલાડીઓ નક્કી કરી લીધો છે. લીગના ઓફિશિયલ બ્રોડકાસ્ટર સ્ટાર સ્પોર્ટ્સે મંગળવારે રાતે તમામ ટીમોએ પોતપોતાના ખેલાડીઓની જાહેરાત કરી. રિટેન્શનની આ પ્રક્રિયા બાદ રોહિત શર્મા હવે વિરાટ કોહલી કરતા વધારે મોંઘો ખેલાડી બની ગયો છે તો ચેન્નઈ સુપર કિંગ્સમાં હવે રવિન્દ્ર જાડેજાને ધોની કરતા વધારે ફી મળશે. જાળવી રાખવામાં આવેલા ખેલાડીઓમાં અબ્દુલ સમદ, ઉમરાન મલિક, અર્શદીપ સિંહ અને યશસ્વી જયસ્વાલ સામેલ છે.
મોટાભાગની ફ્રેન્ચાઈઝીએ પોતાના રિટેન કરાયેલા ખેલાડીઓની યાદી બનાવી લીધી છે અને કેટલાકના નામ પણ સામે આવવા લાગ્યા છે. આ વખતે મેગા ઓક્શન ભારતમાં જ જાન્યુઆરીના પહેલા સપ્તાહમાં યોજાશે. આ વખતે હરાજીમાંથી રાઈટ ટુ મેચ કાર્ડ વિકલ્પ હટાવી દેવામાં આવ્યો છે. આ કાર્ડ દ્વારા કોઈપણ ફ્રેન્ચાઈઝી તેના જૂના ખેલાડીઓને પરત લાવી શકતી હતી.
મુંબઈ ઈન્ડીયન્સે હાર્દિક પંડ્યાને પડતો મૂક્યો
મુંબઈ ઈન્ડીયન્સે હાર્દિક પંડ્યાને પડતો મૂક્યો છે. જ્યારે યુજવેન્દ્ર ચહલ અને હર્ષલ પટેલ જેવા મોટા ખેલાડીઓને રોયલ ચેલેન્જર્સે બહાર કરી દીધા છે.
IPL 2022 માટે રિેટેન્શન પ્રક્રિયા
IPL 2022 પહેલા ઓક્શન થવાની છે. આ વખતે બે નવી ટીમ જોડાવાની છે. દરેક ટીમમાં કુલ 4 ખેલાડીઓને રિટેન કરી શકે છે. ચાર ખેલાડીઓને રિટેન કરવાનો ખર્ચ 42 કરોડ થશે. ઓક્શન માટે એક ટીમની પાસે 90 કરોડનું બજેટ છે. તો બે નવી ટીમ લખનઉ અને અમદાવાદ 1 થી 25 ડિસેમ્બર સુધી ત્રણ ત્રણ ખેલાડીઓને પોતાની ટીમમાં સામેલ કરશે.