માહીના ધૂમ ધડાકા / VIDEO : ધોનીએ દિલ્હીના બોલર્સને બરાબરના ધોઈ નાખ્યા, 8 બોલમાં 21 રન, બનાવ્યો મોટો રેકોર્ડ

• ચેન્નઈ સુપર કિંગ્સના કેપ્ટન  ધોનીનો મહારેકોર્ડ
• દિલ્હી સામેની મેચમાં 8 બોલમાં કર્યાં 21 રન
• કેપ્ટન તરીકે ટી-20માં પોતાના 6000 રન પૂરા કર્યા

ઈન્ડિયન પ્રીમિયર લીગ (આઈપીએલ) 2022 માં રવિવારે ચેન્નઈ સુપર કિંગ્સ (સીએસકે) અને દિલ્હી કેપિટલ્સ (ડીસી) ટકરાયા હતા. ચેન્નઈ સુપર કિંગ્સના કેપ્ટન મહેન્દ્ર સિંહ ધોનીએ આ મેચમાં નાની પણ ઝડપી ઈનિંગ રમી, સાથે જ એક મોટો રેકોર્ડ પણ પોતાના નામે કર્યો.

THIS SIX 🥵🔥👑MS DHONI🔥🔥🔥#IPL2022 #CSK𓃬 #MSDhoni𓃵 pic.twitter.com/iQ3hDWGIGM

— Amit! (@RIYYUZAKI) May 8, 2022

8 બોલમાં 21 રન બનાવ્યા
દિલ્હી કેપિટલ્સ સામે મહેન્દ્ર સિંહ ધોનીએ માત્ર 8 બોલમાં 21 રન બનાવ્યા હતા. તેમાં એક ચોગ્ગા અને બે મોટા છગ્ગા સામેલ હતા.ધોનીના આ ધુમ ધડાકાને કારણે જ ચેન્નાઇ સુપર કિંગ્સે 208ના સ્કોર સુધી પહોંચી હતી.

ટી-20માં પોતાના 6000 રન પૂરા કર્યા

આ ઇનિંગ સાથે મહેન્દ્ર સિંહ ધોનીએ કેપ્ટન તરીકે ટી-20માં પોતાના 6000 રન પૂરા કર્યા છે. આ લિસ્ટમાં વિરાટ કોહલી બાદ હવે તે નંબર-2 પર આવે છે. આ યાદીમાં ટોપ-3 કેપ્ટન ભારતીય ખેલાડીઓ છે.

ટી-20માં કેપ્ટન તરીકે સૌથી વધુ રન (આંતરરાષ્ટ્રીય-લીગ મેચો)
• વિરાટ કોહલી - 6451 રન
• એમએસ ધોની - 6013 રન
• રોહિત શર્મા - 4764 રન
• એરોન ફિન્ચ - 4603 રન

Thala takkar doiii...!! 🥳💥#WhistlePodu #Yellove #CSKvDC 💛🦁 pic.twitter.com/P01OC6wd6P

— Chennai Super Kings (@ChennaiIPL) May 8, 2022

આઈપીએલમાં ધોનીની કરિયર 
• કુલ મેચ - 236
• કુલ રન - 4909 રન
• એવરેજ - 39.27

દિલ્હી સામેની  મેચમાં ચેન્નઈ સુપર કિંગ્સે પ્રથમ બેટિંગ કરતા 208 રન બનાવ્યા હતા. ચેન્નઈ સુપર કિંગ્સ માટે ડેવોન કોન્વેએ 49 બોલમાં 87 રન બનાવ્યા હતા. અંતે એમએસ ધોનીએ આવીને રન બનાવ્યા અને ટીમને મોટા સ્કોર તરફ લઈ ગયા.ચેન્નઈ સુપર કિંગ્સ પ્લેઓફની રેસમાંથી પહેલા જ બહાર થઈ ચૂકી છે, પરંતુ તે હજુ પણ અન્ય ટીમોની રમત બગાડી શકે છે.