ક્રિકેટ / ઓસ્ટ્રેલીયામાં રમશે ભારતનાં બે ખેલાડી, એકનાં તો ધોનીએ પણ કર્યા હતા વખાણ

• ચેતન સાકરિયા અને મુકેશ ચૌધરી જોવા મળશે ઓસ્ટ્રેલિયામાં 
• ટી-20 મેક્સ ટુર્નામેન્ટની પ્રથમ સિઝન બન્ને ખેલાડીઓ રમશે
• બન્ને ખેલાડીઓએ IPL માં સારું પ્રદર્શન બતાવ્યું છે

ટી-20 મેક્સ ટુર્નામેન્ટની પ્રથમ સિઝન ઓસ્ટ્રેલિયાના બ્રિસબેનમાં રમાશે. આવતા મહિને ટૂર્નામેન્ટની પ્રથમ સિઝન શરૂ થશે. આ સાથે જ ટી-20 મેક્સ ટૂર્નામેન્ટમાં ભારતીય ખેલાડી ચેતન સાકરિયા અને મુકેશ ચૌધરી પણ જોવા મળશે. વાસ્તવમાં મુકેશ ચૌધરી આઈપીએલમાં ચેન્નઈ સુપર કિંગ્સ ટીમનો ભાગ છે, જ્યારે ચેતન સાકરિયા દિલ્હી કેપિટલ્સ તરફથી રમે છે. આઇપીએલમાં બંને બોલરોએ પોતાની બોલિંગને ખૂબ પ્રભાવિત કરી છે. હવે ટી-20 મેક્સ ટુર્નામેન્ટમાં પોતાનું સ્થાન જમાવી શકશે કે નહિ તે જોવું રસપ્રદ બની રહેશે.

𝐖𝐡𝐨 𝐰𝐚𝐧𝐭𝐬 𝐭𝐨 𝐛𝐨𝐰𝐥 𝐭𝐨 𝐚𝐧 𝐢𝐧-𝐟𝐨𝐫𝐦 𝐉𝐨𝐬 𝐁𝐮𝐭𝐭𝐥𝐞𝐫? 🤔

𝐒𝐚𝐤𝐚𝐫𝐢𝐲𝐚: Me ☝️#YehHaiNayiDilli | #IPL2022 | #RRvDC | #TATAIPL | #IPL | #DelhiCapitals pic.twitter.com/ewZO9r2Z3Q

— Delhi Capitals (@DelhiCapitals) May 11, 2022

ક્રિકેટ ઓસ્ટ્રેલિયાએ એક નિવેદન જાહેર કર્યું છે
હકીકતમાં ભારતીય ફાસ્ટ બોલર મુકેશ ચૌધરી અને ચેતન સાકરિયા એમઆરએફ પેસ ફાઉન્ડેશન અને ક્રિકેટ ઓસ્ટ્રેલિયા વચ્ચે આદાન-પ્રદાન કાર્યક્રમના ભાગરૂપે બ્રિસબેનમાં સમય વિતાવશે. આ દરમિયાન ક્રિકેટ ઓસ્ટ્રેલિયાએ એક નિવેદન જાહેર કર્યું છે. નિવેદનમાં કહેવામાં આવ્યું છે કે એમઆરએફ પેસ ફાઉન્ડેશન અને ક્રિકેટ ઓસ્ટ્રેલિયા વચ્ચે ખેલાડીઓની આપ-લે અને કોચિંગ લગભગ 20 વર્ષથી ચાલી રહ્યું છે. જો કે છેલ્લા કેટલાક સમયથી કોરોના વાયરસના સંક્રમણને કારણે તે અટકી ગયું હતું.

ટી-20 મેક્સ ટુર્નામેન્ટમાં રમશે બંને ભારતીય ખેલાડીઓ
નોંધપાત્ર છે કે, ચેતન સાકરિયાએ ગત વર્ષે શ્રીલંકા સામે વન ડે અને ટી-20 ઈન્ટરનેશનલ ક્રિકેટમાં ડેબ્યુ કર્યું હતુ. આ સાથે જ મુકેશ ચૌધરીને અત્યાર સુધી આંતરરાષ્ટ્રીય ક્રિકેટમાં ડેબ્યુ કરવાની તક મળી નથી. જો કે, આઈપીએલ 2022 સીઝનમાં, મુકેશ ચૌધરીએ ચેન્નઈ સુપર કિંગ્સ માટે 13 મેચોમાં 16 વિકેટ લીધી હતી. ટી-20 મેક્સ ટુર્નામેન્ટમાં ચેતન સાકરિયા સનશાઇન કોસ્ટ તરફથી રમશે, જ્યારે મુકેશ ચૌધરી વિનમ-મેનલી ટીમમાં સામેલ હશે. ટી-20 મેક્સ ટુર્નામેન્ટ 18 ઓગસ્ટથી 4 સપ્ટેમ્બર દરમિયાન યોજાશે. આ ઉપરાંત ભારતના બંને ખેલાડીઓ બુપા નેશનલ ક્રિકેટ સેન્ટરમાં ટ્રેનિંગ લઈને ક્વીન્સલેન્ડ બુલ્સની સિઝન પહેલાની તૈયારીઓમાં ભાગ લેશે.