IPL 2023 ની ફાઇનલ મેચ ગઇકાલે યોજાવાની હતી પણ વરસાદને કારણે કેન્સલ થઈ એવામાં હવે આ ફાઇનલ મેચને આજે રમાવવામાં આવશે પણ આજે એ વરસાદ વિલન બનશે તો કઈ ટીમ જીતશે? જાણો
IPL 2023ની ફાઇનલ મેચને રિઝર્વ ડે એટલે કે આજે રમાવવામાં આવશે
આજે રિઝર્વ ડે પર પણ વરસાદ વિલન બની જાય તો?
રિઝર્વ ડે પર વરસાદ આવ્યો તો આ રીતે નક્કી થશે વિજેતા ટીમ
IPL 2023 ની ફાઇનલ મેચ ચેન્નાઇ સુપર કિંગ્સ અને ગુજરાત ટાઇટન્સ વચ્ચે 28 મેના રોજ અમદાવાદના નરેન્દ્ર મોદી સ્ટેડિયમમાં યોજાવાની હતી પણ વરસાદને કારણે મેચમાં એક પણ બોલ ફેંકી શકાયો ન હતો. એવામાં હવે આ ફાઇનલ મેચને રિઝર્વ ડે 29 મે એટલે કે આજે રમાવવામાં આવશે. પણ જો આજે રિઝર્વ ડે પર પણ વરસાદ વિલન બની જાય તો વિજેતા કેવી રીતે નક્કી થશે. ચાલો તેના વિશે જાણીએ.
The #Final of the #TATAIPL 2023 has been moved to the reserve day on 29th May - 7:30 PM IST at the Narendra Modi Stadium, Ahmedabad.
Physical tickets for today will be valid tomorrow. We request you to keep the tickets safe & intact. #CSKvGTpic.twitter.com/d3DrPVrIVD
રિઝર્વ ડે પર વરસાદ આવ્યો તો આ રીતે નક્કી થશે વિજેતા ટીમ
નોંધનીય છે કે ગઇકાલે કોમેન્ટેટર હર્ષા ભોગલેએ ટ્વીટ કર્યું કે આશા છે કે આખી રમત આવતીકાલે થશે પણ જો ખરાબ પરિસ્થિતિને કારણે રમતમાં 5 ઓવર પણ શક્ય ન હોય તો સુપર ઓવર થશે. જો સુપર ઓવર પણ યોજવામાં નિષ્ફળ જાય છે, તો લીગ તબક્કામાં પોઈન્ટ ટેબલમાં ટોચ પર રહેલી ટીમને વિજેતા જાહેર કરવામાં આવશે.
આ ટીમને થશે ફાયદો
જો વરસાદના કારણે રિઝર્વ ડે પર એક પણ બોલ ફેંકવામાં નહીં આવે તો હાર્દિક પંડ્યાની કપ્તાનીમાં રહેલી ગુજરાત ટાઇટન્સ ટીમને ફાયદો થશે. જણાવી દઈએ લે ગુજરાતની ટીમે લીગ તબક્કામાં ધમાકેદાર દેખાવ કર્યો હતો. ટીમે લીગ તબક્કામાં 14 મેચ રમી છે, જેમાંથી તેણે 10 જીતી છે અને 4માં હારનો સામનો કરવો પડ્યો છે. આ સાથે જ ચેન્નાઈ સુપર કિંગ્સની ટીમ પોઈન્ટ ટેબલમાં બીજા સ્થાને છે. તેણે 14માંથી 8 મેચ જીતી હતી અને પાંચમાં તેને હારનો સામનો કરવો પડ્યો હતો. આવી સ્થિતિમાં રિઝર્વ ડે પર પણ વરસાદને કારણે એક પણ બોલ ફેંકવામાં નહીં આવે તો ગુજરાત ટાઇટન્સની ટીમને વિજેતા જાહેર કરવામાં આવશે.
આઈપીએલમાં અત્યાર સુધીમાં ચેન્નાઈ સુપર કિંગ્સ અને ગુજરાત ટાઇટન્સ વચ્ચે 4 મેચ રમાઈ છે, જેમાંથી ગુજરાતની ટીમે ત્રણ અને CSKની ટીમે 1 મેચ જીતી છે. IPL 2023ની ક્વોલિફાયર-1 મેચમાં CSKએ ગુજરાતને હરાવ્યું હતું. હાર્દિક પંડ્યાના નેતૃત્વમાં ગુજરાતની ટીમની આ સતત બીજી ફાઈનલ મેચ છે.