ધોની ઝાડની નીચે બેઠેલા વૈધ પાસે સારવાર કરાવી રહ્યાં છે. રાંચીથી અંદાજે 70 કિલોમીટર દૂર લાપુંગમાં ધોની માત્ર 40 રૂપિયામાં પોતાની સારવાર કરાવી રહ્યાં છે.
ધોની ઘૂંટણના દુ:ખાવાથી છે પરેશાન
ગામમાં ઝાડની નીચે બેસતા વૈધ પાસે કરાવે છે સારવાર
જડી-બુટીઓની મદદથી પારંપરિક રીતે કરે છે સારવાર
ધોની ઝાડની નીચે બેસતા વૈધની પાસે કરાવે છે સારવાર
ભારતીય ટીમના પૂર્વ કેપ્ટન ધોની ઝગઝગાટથી દૂર સિમ્પલ જીવનશૈલી જીવવામાં વિશ્વાસ રાખે છે. થાલા ધોનીને અનેક તકે પોતાની સાદગીથી પ્રશંસકોનુ દિલ જીતતા જોઇ શકાય છે. આ દરમ્યાન ધોની સાથે જોડાયેલી એક માહિતી સામે આવી છે કે જેને જોઇને કદાચ જ કોઈને વિશ્વાસ આવશે કે અબજપતિ ધોની પણ આમ કરી શકે છે. ધોની લાંબા સમયથી ઘૂંટણના દુ:ખાવાથી પરેશાન છે અને તેની સારવાર તેઓ અમેરિકા, લંડન અને પછી જર્મની જઇને નહીં પરંતુ ગામમાં ઝાડની નીચે બેસતા વૈધ પાસે કરાવી રહ્યાં છે.
વૈધ એક ડોઝના 40 રૂપિયા લે છે
ધોનીની સારવાર કરનારા વૈધનુ નામ બંધન સિંહ ખરવાર છે અને આ વૈધ ધોની પાસે એક ડોઝ માટે 40 રૂપિયા ચાર્જ તરીકે લઇ રહ્યાં છે. જડી-બુટીઓની મદદથી પારંપરિક રીતે સારવાર કરાવી રહેલા ધોની કોઈ સામાન્ય દર્દીની જેમ જ ઝાડની નીચે બેઠેલા વૈધ પાસે પોતાની સારવાર કરાવી રહ્યાં છે.
ચાર દિવસ બાદ ધોની પહોંચે છે વૈધની પાસે
ભલે ધોની વૈભવ અને સંપત્તિ મામલે વધુ તાકાતવર માણસ હોય. પરંતુ અહીં તે પોતાની તાકાતનો ઉપયોગ કરતા નથી. વૈધ બંધન સિંહ ખરવારે જણાવ્યું કે ધોની છેલ્લાં એક મહિનાથી દર ચાર દિવસના અંતરે આવીને દવાનો ડોઝ લઇ જાય છે. ખરેખર દર્દીઓ માટે દવા ઘરે લઇ જવાની સુવિધા નથી.
— Jayprakash MSDian 🥳🦁 (@ms_dhoni_077) July 1, 2022
બંધન સિંહ ખરવાર 28 વર્ષથી કરી રહ્યાં છે આ કામ
વૈધ બંધન સિંહ ખરવાર છેલ્લાં 28 વર્ષથી આ રીતે ઝાડની નીચે ટેન્ટ લગાવીને બિમારીઓની સારવાર કરી રહ્યાં છે. રાંચીથી લગભગ 70 કિલોમીટર દૂર લાપુંગ પોલીસ સ્ટેશન વિસ્તારના કાતિંગકેલામાં તેઓ દર્દીની સારવાર કરે છે.