શિબા ઇનુમાં છેલ્લા 24 કલાક દરમિયાન જોવા મળ્યો ઉછાળો. એક અઠવાડિયામાં તે વધીને 21.92 થઈ ગયો છે. એલોન મસ્ક-સમર્થિત ડોઝકોઇન પણ લીલા નિશાનમાં જોવા મળ્યો હતો.
ક્રિપ્ટોમાં જોવા મળ્યું ધોવાણ
શિબા ઈનુંમાં આજે 15 ટકાથી પણ વધુ વધારો
બિટકોઇન અને ઇથેરિયમમાં ફરીથી ઘટાડો
ગ્લોબલ ક્રિપ્ટોકરન્સી માર્કેટ કેપ ઘટ્યું
ક્રિપ્ટોકરન્સીનું બજાર આજકાલ લાલ રંગમાં જોવા મળી રહ્યું છે ત્યારે આજે ફરી માર્કેટ લાલ દેખાઈ રહ્યું છે. બુધવારે ભારતીય સમય મુજબ સવારે 9:40 વાગ્યા સુધીમાં ગ્લોબલ ક્રિપ્ટોકરન્સી માર્કેટ કેપ 1.27 ટકા ઘટીને 895 બિલિયન ડોલર થઈ ગઈ છે. બિટકોઇન અને ઇથેરિયમમાં પણ આજે નોંધપાત્ર ઘટાડો થયો છે. શિબા ઇનુ અને ટ્રોનમાં ઉછાળો જોવા મળ્યો છે.
બિટકોઇન અને ઇથેરિયમ ફરીથી લાલ નિશાને
Coinmarketcapના ડેટા મુજબ, હાલ (12:00pm) બિટકોઇન 5 ટકાના ઘટાડા સાથે 20,000 ડોલર આસપાસ પર ટ્રેડ કરી રહ્યો છે. બીજા ક્રમનો સૌથી ઊંચો સિક્કો ઇથેરિયમ પ્રાઇસ ટુડે છેલ્લા 24 કલાકમાં 7.0 ટકા ઘટીને 1,075 ડોલર પર આવી ગયો છે. આજે બિટકોઈનનું બજારનું પ્રભુત્વ 43.3 ટકા છે, જ્યારે ઈથેરિયમનું 14.8 ટકા છે.
શિબા ઈનુંમાં જોવા મળી તેઝી
પેની ક્રિપ્ટોકરન્સી શિબા ઈનુંમાં તેજ ઉછાળાથી છેલ્લા 24 કલાક દરમિયાન પેની ક્રિપ્ટોકરન્સી શિબા ઇનુમાં મોટો ઉછાળો જોવા મળ્યો છે. તેની કિંમત 0.00000944 યુએસ ડોલર છે. ભારતીય રૂપિયાની વાત કરીએ તો તેની કિંમત 0.00076 રૂપિયા છે. એટલે કે 1 પૈસાથી પણ ઓછો. તે એક દિવસમાં 15 ટકા ઉછળ્યો છે. એક સપ્તાહની વાત કરીએ તો તે વધીને 21 ટકા થઈ ગઈ છે. એલોન મસ્ક-સમર્થિત ડોડકોઇન 0.80% વધીને $0.06210 પર પહોંચી ગયો છે. એક અઠવાડિયામાં તે 17 ટકા ઉછળ્યો છે.