ક્રિપ્ટો માર્કેટમાં અને શેરબજારમાં આજે તેજી જોવા મળી છે. જેમાં શિબા ઇનુ 4 ટકાના વધારાની સાથે કારોબાર કરી રહ્યો છે
ક્રિપ્ટો માર્કેટમાં અને શેરબજારમાં આજે તેજી જોવા મળી
ફેડ રિઝર્વના ચેરમેન જેરોમ પોવેલના નિવેદન પર બધાની નજર
મોટાભાગની ક્રિપ્ટોકરન્સી હાલ પોઝીટીવમાં ટ્રેડ કરી રહ્યા છે
ક્રિપ્ટો માર્કેટમાં પણ શુક્રવાર, 26 ઓગસ્ટ 2022ના રોજ તેજી જોવા મળી રહી છે. શેરબજારની જેમ ક્રિપ્ટો માર્કેટ પણ રાહ જોઇ રહ્યું છે ફેડ રિઝર્વના ચેરમેન જેરોમ પોવેલના વ્યોમિંગના જેક્સન હોલ ખાતેનું ભાષણ, જેમાં તેઓ ફુગાવા અને વ્યાજદરમાં વધારો કરવા અંગે શું સૂચવે છે. શેરબજારમાંથી ક્રિપ્ટોકરન્સીમાં રોકાણ કરતા રોકાણકારોની નજર જેરોમ પોવેલના નિવેદન પર છે. તેના આધારે શેરબજાર અને ક્રિપ્ટો માર્કેટની ચાલનો આધાર રહેશે.
મોટાભાગની ક્રિપ્ટોકરન્સી હાલ પોઝીટીવ
સોલાના અને પોકાડોટ સિવાય મોટાભાગની ક્રિપ્ટોકરન્સી નફા સાથે વેપાર કરી રહી છે. શિબા ઇનુ 4 ટકાના વધારાની સાથે કારોબાર કરી રહ્યો છે. તો કાર્ડાનો, બીએનબી, ડોજીકોઈનમાં પણ વધારા સાથેનો કારોબાર થઈ રહ્યો છે.
ક્રિપ્ટોકરન્સીની માર્કેટ કેપ 1.04 અબજ ડોલર
વૈશ્વિક ક્રિપ્ટોકરન્સીની માર્કેટ કેપ 1.04 અબજ ડોલર પર ટ્રેડ થઈ રહી છે. છેલ્લા 24 કલાકમાં તેમાં એક ટકાનો વધારો થયો છે. પરંતુ કુલ ટ્રેડિંગ વોલ્યુમમાં ઘટાડો થયો છે. બિટકોઇન હાલમાં 21,500 ડોલર એટલે કે 17.98 લાખ રૂપિયા પર ટ્રેડ કરી રહ્યો છે. જો કે બિટકોઇનમાં 0.05 ટકાનો ઘટાડો નોંધાયો છે. પરંતુ જાણકારોના મતે બિટકોઈન 22000 ડોલરની સપાટી પાર કરી શકે છે. ઇથેરિયમ 1,40,600 રૂપિયા પર ટ્રેડ કરી રહ્યો છે. ટેથર 84.05 રૂપિયા પર ટ્રેડ કરી રહ્યો છે, બિનન્સ કોઈન 24,720 રૂપિયા પર ટ્રેડ કરી રહ્યો છે.