નુકસાન / ક્રીપ્ટો માર્કેટમાં મંદીની અસર, આ કંપનીને એક જ મહિનામાં 1500 કરોડનું નુકસાન, 80% સ્ટાફની છટણી કરી

• હોડલનૉટે તેના 80 ટકા કર્મચારીઓને નોકરીમાંથી કાઢવાની કરી જાહેરાત  
• કંપનીને પાછી પાટા પર લાવવાનો કંપનીના સંસ્થાપકોનો દાવો
• કોઈ પણ પ્રકારના પૈસા ઉપાડવા અને જમા કરવા પર લગાવ્યો છે પ્રતિબંધ

હોડલનૉટ તેના 80 ટકા કર્મચારીઓને નોકરીમાંથી કાઢશે 

સિંગાપોર મુખ્યાલયની ક્રિપ્ટો લેન્ડિંગ પ્લેટફોર્મ હોડલનૉટે શુક્રવારે 19 ઓગષ્ટે તેના 80 ટકા કર્મચારીઓને નોકરીમાંથી કાઢવાની જાહેરાત કરી. કંપનીએ કર્મચારીઓને છૂટા કરવા પાછળના ખર્ચમાં કપાત થયુ હોવાનો ઉલ્લેખ કર્યો. હોડલનૉટે આની પહેલા 8 ઓગષ્ટે લિક્વિડિટીમાં ઘટાડાનો હવાલો આપી પોતાના પ્લેટફોર્મમાંથી કોઈ પણ પ્રકારના પૈસા ઉપાડવા, જમા અથવા ટોકન સ્વેપ કરવા પર પ્રતિબંધ લગાવવાની જાહેરાત કરી હતી.  

કંપનીની સંપત્તિઓને બચાવવા હોડલનૉટે સિંગાપોરની કોર્ટમાં કરી અરજી

હોડલનૉટે એવુ પણ જણાવ્યું કે કંપનીના ફાઉન્ડર્સ અત્યારે સિંગાપોરમાં છે અને તેઓ બધા કાયદાકીય કાર્યવાહી માટે તૈયાર રહેશે. આ દરમ્યાન કંપનીના સંસ્થાપકોએ દાવો કર્યો તેઓ કંપનીને પાછી પાટા પર લાવવા માટે સખત પરિશ્રમ કરી રહ્યાં છે અને તેઓ ટૂંક સમયમાં હોડલનૉટમાં સ્થિરતાને પાછી લાવશે. કંપનીની સંપત્તિઓને જપ્ત કરવી અને નીલામ થતા બચાવવા માટે હોડલનૉટે મંગળવારે સિંગાપોરની એક કોર્ટમાં ક્રેડિટર પ્રોટેક્શન માટે અરજી કરી હતી. 
 
આ રીતે કંપની નુકસાનીમાં આવી

મીડિયા રિપોર્ટસ મુજબ હોડલનૉટની પાસે આશરે 18.7 કરોડ ડૉલરની TerraUSD હતી. કંપની માટે મુશ્કેલી ત્યારથી શરૂ થઈ જ્યારથી મે મહિનામાં TerraUSDની કિંમત અચાનક ગગડીને શૂન્ય થઇ. હોડલનૉટ ત્યારથી આ નુકસાનમાંથી બહાર આવી નથી.