9 મહિના સુધી નિયમીત માસિક આવવા અને પ્રેગનન્સીનું એક પણ લક્ષણ ન હોવા છતાં પણ ઈંગ્લેન્ડના બોલ્ટનમાં લેન્કાશાયરની મહિલાએ તંદુરસ્ત બાળકને જન્મ આપ્યો.
પ્રેગનન્સીની હેરતભરી ઘટના
ઈંગ્લેન્ડના બોલ્ટનમાં લેન્કાશાયરમાં બની ઘટના
9 મહિના સુધી મહિલાને આવતું રહ્યું માસિક
પ્રેગનન્સીનું એક પણ લક્ષણ નહીં
9 મહિના બાદ આપી દીધો તંદુરસ્ત બાળકને જન્મ
આ કેવી રીતે બન્યું, વૈજ્ઞાનિકો હેરાન
તમને 9 મહિના સુધી નિયમિત માસિક આવે અને પ્રેગનન્સીનું એક પણ લક્ષણ જોવા ન મળે અને પછી એક દિવસ અચાનક ડોક્ટરે કહી દે કે તમે પ્રેગનન્ટ છો તો તમારી કેવી દશા થાય? સૌથી પહેલા મનમાં એવો સવાલ આવે કે આ કેવી રીતે બન્યું તો ચાલો જાણીએ આવી એક હેરતઅંગેજ પ્રેગનન્સી અંગે જે જાણીને તમને પણ લાગશે ભારે નવાઈ દેશ-દુનિયામાં ક્યારે એવી ઘટનાઓ બનતી હોય છે કે જેનો જવાબ વિજ્ઞાન કે કોઈની પાસે હોતો નથી. ઈંગ્લેન્ડના બોલ્ટનમાં લેન્કાશાયરમાં પ્રેગનન્સીની એક એવી ઘટના પ્રકાશમાં આવી છે કે જેને લઈને વૈજ્ઞાનિકો અને ડોક્ટરો પણ હેરાન પામ્યા છે.
9 મહિના સુધી નિયમિત માસિક આવતું રહ્યું, પ્રેગનન્સીનું એક પણ લક્ષણ નહીં છતા બાળકને જન્મ આપ્યો
ઈંગ્લેન્ડના બોલ્ટનમાં લેન્કાશાયરની મેલિસા નામની 30 વર્ષીય મહિલાને 9 મહિના સુધી ખબર પણ ન પડી કે તે પ્રેગનન્ટ છે. મેલિસાનો દાવો છે આ 9 મહિના સુધી તેને નિયમિત પણે માસિક આવ્યું હતું અને ત્યાં સુધી કે પ્રેગનન્સીના કોઈ લક્ષણો પણ જોવા મળ્યાં નહોતા.
પેટમાં દુખાવો થતા ડોક્ટર પાસે પહોંચી, ત્યારે ખબર પડી કે પ્રેગનન્ટ છે
મેલિસાએ કહ્યું કે તે ફરવા ગઈ હતી, તેણે ટેનિસ ટુર્નામેન્ટમાં પણ ભાગ લીધો હતો. તેમણે પાણીની ઘણી પ્રવૃત્તિઓમાં પણ ભાગી લીધો પરંતુ તેને સપને પણ ખ્યાલ નહોતો કે તે પ્રેગનન્ટ છે. પરંતુ અચાનક એક દિવસ તેને પેટમાં દુખાવો થતા તે ડોક્ટર પાસે પહોંચી અને ત્યારે ડોક્ટરે તેને જે કહ્યું તે તો તેને સપના જેવું લાગ્યું. ડોક્ટરે કહ્યું કે તે પ્રેગનન્ટ છે, ડોક્ટરની વાત સાંભળીને મેલિસાના ભારે નવાઈ લાગી અને તેણે ડોક્ટરને કહ્યું કે તેને તો નિયમિત માસિક આવતું હતું અને ત્યાં સુધી કે 9 મહિના સુધી પ્રેગનન્સીનું કોઈ લક્ષણ પણ જોવા મળ્યું નહોતું તો પછી આ કેવી રીતે બન્યું.
શું હોઈ શકે આ ઘટનાનું કારણ
જે ડોક્ટરે મેલિસાને પ્રેગનન્ટ હોવાની વાત કરી તેમનું માનવું છે કે મેલિસાની પ્રેગનન્સીને ક્રિપ્ટીક પ્રેગનન્સી એટલે કે ગુપ્ત પ્રેગનન્સી કહેવાય છે. આ પ્રકારની પ્રેગનન્સીમાં બાળક પેટના પાછળના ભાગે રહેતું હોય છે અને ક્યારેય મહિલાને તેની ખબર પણ પડતી નથી અને અચાનક જન્મ થઈ જતો હોય છે.
મેલિસાએ એક સુંદર પુત્રને જન્મ આપ્યો
ત્યારબાદ મેલિસાએ એક સુંદર પુત્રને જન્મ આપ્યો. મેલિસા અને બ્રાયન બંને પુત્રનો ચહેરો જોઈને ખૂબ ખુશ હતા. બંનેએ કહ્યું કે જ્યારે અમે અમારા પુત્રને જોયો ત્યારે આ અનુભવ વિશ્વનો શ્રેષ્ઠ હતો. મેલિસાના પતિ બ્રાયને જણાવ્યું હતું કે, તે આ વિશે જાણ થતાં જ તે હોસ્પિટલમાં દોડી ગયો હતો. "આ સમાચાર સાંભળીને મને આઘાત લાગ્યો હતો, તેણે સમજાવ્યું. અને તે સમયે તે મારા મનમાં ચાલી રહ્યું હતું કે તે બધું અચાનક કેવી રીતે બન્યું. મેલિસાની માતા પણ ત્યાં હતી અને હું તેને પહેલી વાર મળી રહી હતી. તેથી મારા માટે પરિસ્થિતિ એકદમ વિચિત્ર હતી.