અમદાવાદના વટવા વિસ્તારમાં સાળાએ કરી બનેવીની ઘાતકી હત્યા.મારી બહેન સાથે કેમ ઝઘડા કરે છે કહી,તીક્ષ્ણ હથિયારોથી ઘા મારી ઢાળી દીધું ઢીમ. પોલીસે કરી ગણતરીના કલાકોમાં જ ધરપકડ.
અમદાવાદના વટવામાં હિચકારી ઘટના
સાળાએ બનેવીને ઉતાર્યો મોતને ઘાટ
હથીયારના ઘા ઝીંકી,ઘર પાસે નાખી ગયો
અમદાવાદના વટવા વિસ્તારમાં એક સાળાએ બનેવીનું ઢીમ ઢાળી દીધાની હિચકારી ઘટના સામે આવી છે. નજીવી બાબતમાં 'બહેન સાથે ઝઘડો કેમ કરે છે'તેમ કહી,સાળાએ બનેવીને લોહી લુહાણ હાલતમાં તેના ઘર પાસે છોડી દીધો જ્યાં બનેવીનું મોત નીપજ્યું હતું.પોલીસે આ કેસમાં મુકેશ ડાભીની ધરપકડ કરી હતી.
છાતીમાં ઘા ઝીંકી બનેવીને ઉતાર્યો મોતને ઘાટ
અમદાવાદના વટવા વિસ્તારમાં રહેતા રંજન બહેન સુરેશ મારવાડીએ પોલીસ મથકમાં ફરિયાદ નોધાવી હતી કે, તેમના પતિ સુરેશને પોતાનો સગો ભાઈ મુકેશ ડાભી,લોહોઝાણ હાલતમાં ઘર પાસે નાખી ગયો હતો,અને લોહી ખૂબ વહેતું હતું ત્યારબાદ, પતિનું મોત નીપજ્યું હતું. બનેવીની હતા કેસની વિગતમાં, કેટલાક સમય અગાઉ રંજને,તેના ભાઈ મુકેશને ફરિયાદ કરી હતી કે, પતિ સુરેશની આવક સમાન્ય હોય, વારંવાર પૈસા માટે બોલાચાલી થાય છે અને ઝઘડાઓ કરે છે.પરિણામે બનેવી સુરેશ પર ગિન્નાયેલા,સાળા મુકેશે અંગત અદાવતે તીક્ષ્ણ હથીયારના ઘા ઝીંકી મોતને ઘાટ ઉતાર્યો હતો. બનેવીને તીક્ષ્ણ હથીયારના ઘા ઝીંકી, લોહી લુહાણ હાલતમાં,સાલો મુકેશ,બનેવી સુરેશને તેના ઘર પાસે નાખી ગયો હતો. બાદમાં સુરેશનું મોત નિપજ્યું હતું.
બહેન સાથે કેમ કરે છે ઝઘડો ?
મૃતક સુરેશની પત્ની રંજને, પોતાના ભાઈને પતિની આવક અને આર્થિક સ્થિતિ અંગે વાકેફ કર્યો હતો. પરંતુ રંજનને એવો ખ્યાલ પણ નહિ હોય કે ઝનૂની મુકેશ તેનો પતિ જ છીનવી લેશે. મુકેશે પોતાના બનેવી સુરેશને ઠમઠોર્યો કે, મારી બહેન સાથે ઝઘડો કેમ કરે છે ? આ બાદ બંને વચ્ચે બોલાચાલી થઇ હોવાની સંભાવના બાદ,મુકેશે તેની પાસે રહેલા તીક્ષ્ણ હથિયારથી સુરેશની છાતી પર ઘા કર્યા અને તેને ગંભીર ઈજાઓ પહોચાડી હતી. બાદમાં, મુકેશ પોતાના બનેવી સુરેશને તેના ઘર પાસે નાખી ગયો હતો. ખુબ લોહી વહેતું હોવાના કારણે સુરેશનું તુરંત જ મોત નીપજ્યું હતું.
પતિ તો ગુમાવ્યો, ભાઈ પણ ખોયો
પોલીસે ઘટનાની ગંભીરતા સમજતા, તુરંત જ આરોપી મુકેશ ડાભીને ઝડપી લેવા ચક્રો ગતિમાન કર્યા હતા.અને ગણતરીનાં કલાકોમાં જ,મુકેશ ડાભીને દબોચી લીધો હતો. આમ, બહેન રંજનને પણ હવે પસ્તાવો થાય છે કે, સમાન્ય બાબતની ફરિયાદમાં પતિ ગુમાવવાનો વારો આવ્યો અને ભાઈ હવે સળીયા પાછળ ધકેલાઈ ગયો