કાચા તેલનો ભાવ બુધવારે 74 ડોલર પ્રતિ બેરલ જતો રહ્યો છે. આ ભાવ વધારાએ ભારતની સમસ્યાઓ વધારી દીધી છે. જેના કારણે પેટ્રોલ અને ડીઝલના ભાવ વધતાં જ જઈ રહ્યા છે. બીજી બાજુ દેશમાં મોંઘવારી સતત વધતી જઈ રહી છે. આવનારા સમયમાં હજી મોંઘવારી વધુ વધશે તેવું સ્પષ્ટપણે દેખાઈ રહ્યું છે. કાચા તેલનો ભાવ વધતાં સરકારે વિદેશી નાણાં પર વધુ ખર્ચ કરવા પડશે. બીજી બાજુ હવે પેટ્રોલ ડીઝલના ભાવ સસ્તા ન થતાં મોંઘવારી પર કોઈપણ પ્રકારનો અંકુશ રાખી શકાય નહીં. આટલું જ નહીં રિઝર્વ બેંકને પણ દેશની આર્થિક વ્યવસ્થા સરખી કરવા માટે કોઈ પણ સરળ માર્ગ મળી નથી રહ્યા.
કાચા તેલના ભાવ વધતાં આપણે પેટ્રોલ ડીઝલના ભાવ ઘટે તેવી આશા નથી રાખી શકતા
કાચા તેલના ભાવ વધતાં આપણે પેટ્રોલ ડીઝલના ભાવ ઘટે તેવી આશા નથી રાખી શકતા
પેટ્રોલ અને ડીઝલની કિંમતોને લઈને કેન્દ્રીય પેટ્રોલિયમ મંત્રી ધર્મેન્દ્ર પ્રધાને કહ્યું કે ગ્લોબલ માર્કેટમાં કાચા તેલમાં મોંઘવારી વધવાના કારણે પેટ્રોલ અને ડીઝલની કિંમતો વધી રહી છે. કાચું તેલ 74 ડોલર પ્રતિ બેરલના ભાવથી પણ મોંઘું છે. ભારત પોતાની જરૂરિયાતના 80 ટકા તેલ ઈમ્પોર્ટ કરે છે. મંત્રીએ કહ્યું કે સરકારની આવક પણ ઘટી છે પણ ખર્ચા વધ્યા છે. તેઓએ કહ્યું કે નાણાંકીય વર્ષ 2020-21માં આવક ઘટી છે અને તે 2021-22માં પણ ઘટવાના અણસાર છે.
ગૃહિણીઓને આ મોંઘવારીની અસર થશે
ગૃહિણીઓને પણ આ મોંઘવારીની અસર થશે, ખાવા પીવાની દરેક ચીજ વસ્તુઓના ભાવ વધશે. મોંઘવારી 12 ટકા સુધી વધતાં આવનારા દેશનું દેવું ઓછું થાય તેવી શક્યતાઓ ઓછી છે. ખાવાના તેલમાં પણ વધુ વધારો હશે. હાલમાં દેશમાં સાત રાજ્યોમાં પેટ્રોલનો ભાવ પ્રતી લીટરે 100 રુપિયા ઉપર છે કેટલાક રાજ્યોમાં ડીઝલનો ભાવ પણ પ્રતી લીટરે 100 રુપિયા થયો છે. દેશમાં પેટ્રોલ-ડીઝલના અસહ્ય ભાવવધારાના મુદ્દે હલ્લાબોલ મચ્યો છે. ત્યારે સરકાર શા માટે પેટ્રોલ અને ડીઝલના ભાવમાં ઘટાડો કરતી નથી તેનું કારણ સામે આવ્યું છે. પેટ્રોલિયમ મંત્રી ધર્મેન્દ્ર પ્રધાને કહ્યું કે પેટ્રોલ અને ડીઝલના વધી રહેલા ભાવ ચિંતાનો વિષય છે.