કોરોના વાયરસના સંકટ વચ્ચે માંગ ઘટવાના કારણે ક્રૂડ ઓઇલની કીંમત સોમવારના રોજ જીરો ડોલર/બેરલથી પણ નીચે ચાલી ગઇ છે. કોરોના વાયરસના કારણે આર્થિક ગતિવિધીઓ રોકાઇ જતાં અમેરિકાની એનર્જી કંપનીઓની પાસે કાચા તેલના કુવા ભરવા માટે હવે જગ્યા રહી નથી. આમ હવે જ્યારે ક્રૂડ ઓઇલ રાખવાની જગ્યા ન હોવાના કારણે કોઇપણ ક્રૂડ કોન્ટ્રાક્ટર ડિલિવરી લેવા ઇચ્છતો નથી. જેને લઇને ક્રૂડ ઓઇલની કિંમત ઝીરો ડોલર કરતા નીચે આવી ગઇ.
ક્રૂડ ઓઇલની કિંમત ઘટીને ઝીરો નીચે જતી રહી
અમેરિકાની તેલની કંપનીઓને રૂપિયા કમાવવામાં પડી રહી છે મુશ્કેલીઓ
ઘટાડાને લઇને 1100 કંપનીઓ નોંધીવી શકે છે નાદારી
કાચા તેલની કિંમતમાં ઐતિહાસિક ઘટાડો આતાં અમેરિકાની ઘણી કંપનીઓ નાદાર જાહેર થઇ શકે છે. ઉલ્લેખનીય છે કે મે મહિનાની ડિલવરી માટે અમેરિકન બેંચમાર્ક વેસ્ટ ટેક્સાસ ઇંટરમિડિએટની કિંમત સોમવાર પહેલા શૂન્યથી નીચે જતી રહી. મંગળવારના રોજ મે મહિનાની ડિલીવરી માટે કારોબારનો છેલ્લો દિવસ છે. એવામાં સોમવારના રોજ બજારમાં કાચા તેલની કિંમત ઝીરોથી નીચે એટલે -37.63 ડોલર/બેલર પર પહોંચી ગઇ છે.
ઘણી તેલ કંપનીઓ થઇ શકે છે નાદાર
CNN ના રિપોર્ટ મુજબ કાચા તેલની કિંમતોમાં ઐતિહાસિક ઘટાડાના કારણે અમેરિકામાં ઘણી બધી કંપનીઓ નાદારી નોંધાવી શકે છે. કોરોના વાયરસના સંકટના કારણે કાચા તેલની માગમાં ઘટાડો થયો છે અને તેલના બધા કુવામાં ભરવાની સુવિધામાં પણ પુરી થવાની ક્ષમતા પર પહોંચી ગઇ છે.
આ સમયે રશિયા, સાઉદી અરબે વધારાની આપૂર્તિની સાથે દુનિયામાં કાચા તેલના ઉત્પાદનમાં વધારો કરી દીધો છે. આ બેવડા મારના કારણે તેલની કિંમતમાં ઘટીને ઝીરોની નીચે જતી રહી છે, જેના કારણે તેલ કંપનીઓને પૈસા કમાવા મુશ્કેલભર્યા થઇ ગયા છે.
1100થી વધારે કંપનીઓ નોંઘાવી શકે છે નાદારી
Rystad એનર્જીના શેલ રિસર્ચ હેડ અર્ટેમે જણાવ્યું છે કે 30 ડોલર પહેલાં થી ખરાબ છે, પરંતુ હવે એક વખત જ્યારે આ 20 ડોલર અથવા 10 ડોલરમાં પહોંચી જાય છે તો આ ઘણું ખરાબ હશે. ઘણી તેલ કંપનીઓએ સારા સમય દરમિયાન ઘણી વધારે લોન લીધી છે. તેમાંથી કેટલીક આ ઐતિહાસિક ઘટાડાથી બચી નહીં શકે.
Rystad એનર્જીના જણાવ્યાં મુજબ 20 ડોલર પ્રતિ બેરલ કાચા તેલની કિંમત થવાની સ્થિતિમાં 533 અમેરિકી ઓઇલ એક્સપ્લોરેશન અને પ્રોડકશન કંપનીયાં 2021ના અંત સુધીમાં નાદારી માટે અરજી કરી શકે છે. Rystdનું અનુમાન છે કે 10 ડોલર પ્રતિ બેરના ભાવ પર 1,100 થી વધારે કંપનીઓ નાદાર થશે.