ક્રૂડ ઓઇલની કિંમતોમાં શુક્રવારે પણ સતત છઠ્ઠા દિવસે પણ ઘટાડો થયો છે. એક વર્ષના સૌથી નીચા સ્તરે ક્રુડ ઓઇલનો ભાવ પહોચ્યો છે. ચીનમાં ફેલાયેલા કોરોના વાયરસની અસરના કારણે 46 દેશમાં ક્રૂડ ઓઇલની માગમાં ઘટાડો થતાં કિંમત ઘટી છે.
ક્રુડ ઓઇલના ભાવમાં જબરદસ્ત ઘટાડો
એક વર્ષના સૌથી નીચા સ્તરે ક્રુડના ભાવ
કોરોના વાયરસને લઇ ક્રુડ ઓઇલની માગ ઘટી
ક્રૂડ ઓઇલમાં 2.87 ટકાના ઘટડા સાથે 45.73 ડોલર પ્રતિ બેરલ પર આવી ગયો છે. કોરોના વાયરસના ફેલાવાના કારણે ક્રૂડ ઓઇલની વૈશ્વિક માગમાં ઘટાડો નોંધાયો છે. જેને કારણે ઝડપથી ભાવમાં ઘટાડો નોંધાઇ રહ્યો છે. તો બીજી તરફ ક્રુડ સસ્તુ થવા છતા પણ ભારતમાં જનતા લૂંટાઇ રહી છે. ભારતમાં પણ ડીઝલની કિંમતમાં સતત બીજા દિવસે ભાવ ઘટાડો નોંધાયો છે.
ક્રુડની કિંમત ઘટવા છતાં ભારતમાં પેટ્રોલના ભાવ આસમાને
જ્યારે ક્રુડની કિંમત ઘટવા છતાં ભારતમાં પેટ્રોલના ભાવ યથાવત રહ્યાં છે. પેટ્રોલના ભાવની વાત કરીએ તો દિલ્હીમાં છેલ્લા પાંચ મહિનાના નીચા સ્તરે પેટ્રોલ આવી ગયું છે. દિલ્હીમાં પ્રતિ લીટર 71.96 રૂપિયાના ભાવે પેટ્રોલનો વેચાઇ રહ્યું છે.
અમદાવાદમાં પેટ્રોલનો ભાવ રૂ. 69.53 પ્રતિ લિટર
જ્યારે ડિઝલ પ્રતિ લીટર 64.60 રૂપિયાના ભાવે વહેચાઇ રહ્યું છે. જો મુંબઇની વાત કરીએ તો પેટ્રોલ 77.62 રૂપિયાના ભાવે મળી રહ્યું છે. જ્યારે ડીઝલ 67.69 રૂપિયાના ભાવે મળે છે. તો અમદાવાદમાં પેટ્રોલનો ભાવ રૂ. 69.53 પ્રતિ લિટર છે.