નેતાઓની સુરક્ષા / અમિત શાહ, સોનિયા-રાહુલ ગાંધીની સુરક્ષા હવે દેશની દીકરીઓને હવાલે, તૈયાર કરાઈ મહિલા કમાન્ડોની ઘાતક ટીમ

• કેન્દ્ર સરકારે મહિલા કમાન્ડોની ટીમ તૈયાર કરી
• અમિત શાહ, સોનિયા-રાહુલ ગાંધીને સુરક્ષા પુરી પાડશે
• નવા વર્ષે તહેનાતી થશે
• કોઈ પણ જાતના હથિયાર વગર જોખમને પહોંચી વળે છે 

ગૃહમંત્રી અમિત શાહ સહિત ઝેડ+ કેટેગરીના વીવીઆઈપીની સુરક્ષા હવે સેન્ટ્રલ રિઝર્વ પોલીસ ફોર્સ (CRPF)ની મહિલા કમાન્ડો સંભાળશે. CRPFએ આ માટે મહિલા વિશેષ દળ તૈયાર કર્યું છે. મહિલા કમાન્ડો હથિયાર વગર જ કોઈપણ જોખમને પહોંચી શકે છે.કેન્દ્રીય રિઝર્વ પોલીસ દળે વીવીઆઈપી સુરક્ષા માટે 32 મહિલા કમાન્ડો સાથે પોતાની પ્રથમ ટીમ તૈયાર કરી છે. કમાન્ડોને હવે દિલ્હીમાં રહેતા વીવીઆઈપીની સુરક્ષા સોંપવામાં આવશે જેમને ઝેડ+ સુરક્ષા આપવામાં આવી છે.

શરુઆતમાં અમિત શાહ, સોનિયા રાહુલ અને મનમોહનને સુરક્ષા આપશે મહિલા કમાન્ડો 

મહિલા કમાન્ડો  શરૂઆતમાં અમિત શાહ, સોનિયા ગાંધી, પ્રિયંકા ગાંધી વાડ્રા, રાહુલ ગાંધી અને ભૂતપૂર્વ વડા પ્રધાન મનમોહન સિંહ અને તેમની પત્ની ગુરશરણ કૌરને સુરક્ષા આપશે. ત્યાર બાદ ઝેડ+ સિક્યોરિટી ધરાવતા અન્ય એક ડઝન વીવીઆઈપીને પણ મહિલા કમાન્ડો ટીમની સુરક્ષાની જવાબદારી સોંપવામાં આવશે.

જાન્યુઆરીમાં થશે મહિલા કમાન્ડોની તૈનાતી 
સૂત્રોના જણાવ્યા અનુસાર,આ મહિલા કમાન્ડોએ તેમની 10 અઠવાડિયાની તાલીમ પૂર્ણ કરી છે. આ તાલીમમાં કમાન્ડોને વીઆઈપીની સુરક્ષા ફરજો પૂર્ણ કરવા, શસ્ત્રો વિના લડવા, મૃતદેહની તલાશી લેવા અને વિશેષ શસ્ત્રો ચલાવવાનું શીખવવામાં આવ્યું હતું. જાન્યુઆરીમાં મહિલા કમાન્ડોને ફરજ પર તૈનાત કરવામાં આવી શકે છે.મહિલા કમાન્ડો જરૂર પડશે તો પાંચ રાજ્યોમાં વિધાનસભાની ચૂંટણી માટે રેલીઓમાં પણ નેતાઓની સાથે રહેશે. કમાન્ડો નેતાઓના ઘેર આવતી મહિલા મુલાકાતી પર પણ નજર રાખશે. પુરુષ કમાન્ડોની જેમ મહિલાઓ પણ શસ્ત્રો, સુરક્ષા ઉપકરણો અને અન્ય ગેજેટ સાથે રાખશે જે સુરક્ષા હેતુ માટે જરૂરી બનશે.