વીરગાથા / 'પહેલા ટાસ્ક, સારવાર તો પછી થઇ જશે' છાતી પર ગોળી વાગી છતાં જવાને જે સાહસ કર્યું તે જાણીને રૂવાંડા ઉભા થઇ જશે

• શ્રીનગરમાં થઇ રહી હતી અથડામણ 
• છાતી અને પેટમાં ગોળી વાગી છતા ન મંગાવી એમ્બ્યુલન્સ 
• પહેલા સાથીને બચાવ્યો, આતંકીને ઠાર કર્યો અને બેભાન થઇ ગયા

'ગભરાશો નહીં, હું ઠીક છું. આ તો મામૂલી ઈજા છે. મારી તરફ નહીં આતંકવાદી તરફ જુઓ. પહેલા પોતાનો ટાસ્ક પૂરો કરજો, સારવાર તો પછી પણ થઇ જશે.'શ્રીનગરના બટમાલૂમાં આતંકીઓ સાથે અથડામણ દરમિયાન છાતી અને પેટમાં ગોળી વાગ્યા બાદ રક્તની ધારા જોઇને CRPFના ડેપ્યુટી કમાંડેંટ રાહુલ માથુરે પોતાના માટે એમ્બ્યુલન્સ મંગાવવાની જગ્યાએ પોતાના સાથીઓનું મનોબળ વધાર્યું, 

આ દરમિયાન પોતાના એક સાથે તે સ્થળ પરથી કાઢવાની સાથે બે આતંકવાદીઓને ઠાર કરવાની સાથે જ રાહુલ માથુર બેભાન થઇ ગયા. તેમની આંખ ખુલી ત્યારે તે હોસ્પિટલમાં સારવાર લઇ રહ્યા હતા. નોંધનીય છે કે રાહુલ માથુરે ભારે ગોળીબારી વચ્ચે ત્યાં આસપાસના ઘરોમાં ફસાયેલ મહિલાઓ અને બાળકોને સુરક્ષિત કાઢ્યા અને અથડામણમાં કુલ ત્રણ આતંકીઓ ઠાર થયા. 

ફિરદૌસાબાદમાં અથડામણ દરમિયાન રાહુલ માથુરને અથડામણ દરમિયાન છાતીમાં ગોળી વાગી અને અન્ય એક સાથી પણ ઈજાગ્રસ્ત થઇ ગયા હતા. એવામાં તે ત્યાંથી ગયા નહી અને પહેલા સાથીને ત્યાંથી કાઢ્યો અને અન્ય આતંકીઓ સામે લડવા લાગ્યા.  

તેમણે બીજા સાથીઓને નિર્દેશ આપ્યા કે મારી સામે ન જુઓ. તેમણે પોતાની રાયફલ લીધી અને તે જ હાલતમાં ત્યાં પહોંચી ગયા જ્યાંથી આતંકીઓ ફાયર કરી રહ્યા હતા. તે બેભાન થયા તે પહેલા તેમણે બીજા એક આતંકીને ઠાર માર્યો. એક અધિકારીએ કહ્યું કે જ્યારે રેડિયો સેટથી સંપર્ક કરવામાં આવ્યો ત્યારે રાહુલે કહ્યું હતું કે હું ઠીક છું. આમ તે મેદાન છોડીને ન ગયા અને લડતા રહ્યા.