દક્ષિણ કાશ્મીરના બિજબેહરા વિસ્તારમા શુક્રવારે આતંકીઓએ સુરક્ષાબળોની ટુકડી પર હુમલો કર્યો છે. જેમાં એક કેન્દ્રીય રિઝર્વ પોલીસ ફોર્સ (CRPF)ના જવાન શહીદ થયા છે. આ આતંકી હુમલામાં એક બાળકનું મોત પણ નિપજ્યું છે. આતંકીઓએ સુરક્ષાદળોને નિશાન બનાવી સતત ફાયરિંગ કર્યું છે.
બિજબહેરા વિસ્તારમાં CRPF જવાનો પર હુમલો
સુરક્ષાબળ અને આતંકી વચ્ચે ફાયરિંગ
જો કે આતંકી હુમલા બાદ સુરક્ષાબળોએ પૂરા વિસ્તારને સીલ કરી દીધો છે. આતંકીઓને પકડવાનો પ્રયત્ન કરવામાં આવી રહ્યો છે. સુરક્ષાદળોના જવાનોએ પણ આતંકીઓને નિશાન બનાવી સતત ફાયરિંગ કર્યું છે.
કાશ્મીર ઘાટીમાં આતંકીઓ વિરુદ્ધ સુરક્ષાદળ સતત અભિયાન ચલાવી રહ્યું છે. મોટી સંખ્યામાં આતંકીઓની જગ્યાઓ અને આતંકીઓની ધરપકડનો પ્રયત્ન સુરક્ષાબળો કરી રહ્યું છે. ઘાટીમાં આતંકવાદની કમર તોડવાનો પ્રયત્ન સતત કરી રહ્યું છે.
જમ્મૂ-કાશ્મીરના પુલવામામાં સુરક્ષાદળોએ ત્રણ આતંકવાદીઓને ઠાર માર્યા છે. સૂત્રોને મળતી માહિતી મુજબ હિઝબુલના ટોપ કમાંડર કાસિમ શાહ ઉર્ફે જુગનુંને ઠાર માર્યા છે. મહોમ્મદ કાસિમ શાહ ઉર્ફ જુગનુની સાથે બાસિત અહેમદ પારે અને હારિસ મંજૂર ભટને પણ ઠાર માર્યા છે. જો કે આ અંગે હજુ કોઇ સત્તાવાર સમર્થન મળ્યું નથી.