વેકેશનના માહોલમાં દીવમાં સહેલાણીઓની ભીડ ગેરકાયેદ હોટલ પર પોલીસની તવાઇ

દિવઃ વેકેશનના માહોલને લઇને હોટ ફેવરિટ દિવમાં સહેલાણીઓની ભારે ભીડ રહે છે. ત્યારે દિવ પ્રશાસન અને પોલીસ દ્વારા હોટેલોમાં સઘન તપાસ હાથ ધરાઈ હતી. વેકેશનને લઇને અમુક હોટેલો ગેરકાયદેસર રીતે રૂમો ભાડે આપતા હોય છે. અને મનફાવે તેવા ભાવ વસુલતા હોય છે. જેને ધ્યાનામં રાખીને 8 હોટેલોમાં અચાનક તપાસ હાથ ધરાઈ હતી. ગેરકાયદેસર ચાલી રહેલી હોટેલોને બંધ કરવાના આદેશ આપ્યા છે. અને ગેરકાયદેસર ચાલી રહેલી હોટેલોના માલિકો અને મેનેજર સામે 188ની કલમ લગાવી ગુનો દાખલ કર્યો હતો.

તપાસ દરમિયાન અમુક હોટેલો રજીસ્ટર વગર ચાલતી હોવાનું સામે આવ્યું હતું. સાથે લાયસન્સ વગર પણ હોટેલો ધમધમી રહી હતી. જ્યારે ટુંક સમયમાં લાયસન્સ વગરની હોટેલો સામે કાયદેસરની કાર્યવાહી કરાશે. ઉલ્લેખનીય છે કે કલેકટર મામલતદાર પોલીસના કાફલા સાથે હોટેલોમાં અચાનક ચેકિંગ હાથ ધરાયું હતું. ચેકિંગને લઇને હોટેલોના માલિકોમાં ફફડાટ ફેલાઈ ગયો હતો.