જામનગર જીલ્લાના નાંદુરી ગામે વીજ કંપનીની દાદાગીરી સામે આવી છે. વીજ કંપનીના કર્મીઓએ મંજૂરી અને વળતર ચૂકવ્યા વગર ખેતરોમાં ઘુસી ઉભા પાકને ઉખેડી ફેંકતા રોષ વ્યાપી ગયો છે. જેટકો વીજ કંપનીના કર્મીઓ વીજ પોલ નાખવા માટે પોલીસ પ્રોટેક્શન સાથે આવ્યા હતા. ખેતરોમાં ઘૂસી આવેલા કર્મીઓએ ખેતરના પાકને તહસ-નહસ કરી નાખ્યો હતો. અને જ્યારે ચણાના ઉભા પાક પર JCB ફેરી વળતા ખેડૂતની આંતરડી કકડી ઉઠી હતી. આ સમગ્ર પ્રકિયા મુદ્દે વીજ કંપની જેટકોએ મૌન સેવી લીધું છે. રાજ્યના કૃષિ મંત્રી પણ મામલાથી અજાણ છે ત્યારે, કૃષિ મંત્રીએ મામલાની ખાતરી કરીને કાર્યવાહી કરવા આશ્વાસન આપ્યું છે.
જામનગર જીલ્લાના લાલપુર તાલુકાના નાંદુરી ગામે વીજ કંપની ગેટકો દ્વારા હેવી લાઈન ઉભી કરવાનું કામ હાથ ધરવામાં આવ્યું છે.જો કે આ કામ ખેડૂતોની હા વગર અને સંપાદન કે વળતર વગર કરવામાં આવતી હોવાની ફરિયાદો ઉઠવા પામી છે.ગઈ કાલે કંપનીએ પોલીસ બંદોબસ્ત હેઠળ ખેતરોમાં ઘુસી ઉભા પાકને ખેદાન મેદાન કરી નાખી કામગીરી કરી નાખી. લોકશાહીમાં તાનાશાહીનો વરવો કિસ્સો સામે આવ્યો છે. ખેડૂત પાસે માથા હાથ દઈ પોતાની જ મહામુલા પાકને નજર સામે વેરણ થતો જોઈ કાળજું કંપી ઉઠ્યું. પરંતું તંત્રના અધિકારીઓ અને પોલીસના પેટનું પાણી પણ ન હલ્યું. હદ તો ત્યારે થઇ જયારે જામનગર ગેટકો કચેરીના અધિકારીઓ પણ મો સંતાડતા થયા
ખેડૂતને જગતનો તાત કહેવાય છે. કૃષિ પ્રધાન દેશમાં ખેડૂતો તાનાસાહીનો ભોગ બની રહ્યા છે જેનું આ વરવું ઉદાહરણ છે. ઉભા પાકને ખેદાન મેદાન કરી નાખી પોલ ઉભા કરવા એવો નિયમ કયા કાયદામાં લખ્યો હશે. અને પોલીસને પણ એવો કેવો હેત ઉભરાણો કે ગેટકો કંપનીના અંગરક્ષક બની ખેતરો ખુંદવા લાગ્યા ? હદ તો ત્યારે થઇ જયારે આ તમામ મંજર વચ્ચે રાજ્યના કૃષિ મંત્રીએ ઘટનાથી અજાણ હોવાની વાત કહી. જો સાચું હશે તો ચોક્કસથી કર્વય્વાહી કરવાની ખાતરી આપી.