શ્રીનગર: કાશ્મીરના ઉરી સેક્ટરમાં એકવાર ફરી પાકિસ્તાનની બોર્ડર એક્શન ટીમે ભારતીય સેના પર હુમલો કર્યો છે. પાકિસ્તાનની ટીમ દ્વારા આ હુમલો ભારતીય સેનાના પેટ્રોલિંગ કરતા દળ પર કરવામાં આવ્યો છે. ઘટના સમયે આ દળ એલઓસીની પાસે પેટ્રોલિંગ કરી રહી હતી. મીડિયા માહિતી અનુસાર ભારતીય જવાનોની તરફથી કરવામાં આવેલી જવાબી કાર્યવાહીમાં પાકિસ્તાનના 2 હુમલાખોરો માર્યા ગયા છે. આ હુમલામાં ભારતીય સેનાને કોઇ પ્રકારના નુકસાનની જાણકારી હજી સુધી મળી નથી.