ભોપાલમાં રહેતા બે મિત્રોનો વીડિયો સોશિયલ મીડિયા પર વાયરલ થઈ રહ્યો છે. આ બંને મિત્રોનું નામ અમિત અને ગજેન્દ્ર છે. તે બંને કલિયાસોત ડેમમાં સ્નાન કરવા ગયા હતા. આવામાં ન્હાતી વખતે અમિત પર મગરે હુમલો કરી દીધો હતો.
ભોપાલથી રહેતા બે મિત્રોનો વીડિયો થયો વાયરલ
ન્હાતી વખતે મગરે કર્યો હુમલો
મિત્રને બચાવવા બીજો મિત્ર બન્યો મરણિયો
ભોપાલથી રહેતા બે મિત્રોનો વીડિયો આજકાલ સોશિયલ મીડિયા પર એકદમ વાયરલ થઈ રહ્યો છે. બે મિત્રો ડેમમાં સ્નાન કરવા ગયા હતા પરંતુ ત્યારે અચાનક અમિત પર મગરે જોરદાર હુમલો કર્યો હતો. ત્યારબાદ ગજેન્દ્ર યાદવે તેની જિંદગીની પરવા કર્યા વિના મગર સાથે બાથ ભીડી પોતાના મિત્રનો જીવ બચાવ્યો હતો.
ઘાયલ થયેલ મિત્રને ખસેડાયો હોસ્પિટલમાં
હાલમાં અમિતને નજીકની શારદા હોસ્પિટલમાં દાખલ કરવામાં આવ્યો છે. અહેવાલ મુજબ અમિત આ હુમલામાં ઘાયલ થયો છે. પરંતુ આશા છે કે તે જલ્દી સ્વસ્થ થઈ જશે. તમને જણાવી દઈએ કે આ બંને યુવકો નહેરુ નગર પોલીસ લાઇનના રહેવાસી છે.