ફીફા વર્લ્ડ કપ / મોરક્કોને હરાવીને 3 નંબર પર પહોંચ્યું ક્રોએશિયા, બન્ને ટીમો પર વરસશે કરોડો રુપિયાનો વરસાદ

• લુક મોડ્રિક તેની કારકિર્દીની છેલ્લી વર્લ્ડ કપ મેચ
• સેમિફાઈનલમાં મોરોક્કોને ફ્રાન્સે હરાવ્યું હતુ
• મોરોક્કોની ટીમ આ મેચ જીતશે તો બ્રોન્ઝ મેડલ જીતનારો પ્રથમ દેશ બનશે

કતારમાં ચાલી રહેલા ફિફા વર્લ્ડ કપમાં આજે (17 ડિસેમ્બર) ત્રીજા સ્થાનની મેચ ક્રોએશિયા અને મોરોક્કો વચ્ચે રમાવાની છે. મોરક્કોની ટીમ સેમિફાઈનલમાં પહોંચીને ઈતિહાસમાં પોતાનું નામ નોંધાવી ચૂકી છે અને હવે બ્રોન્ઝ મેડલ જીતીને વધુ એક રેકોર્ડ બનાવી શકે છે. જો મોરોક્કો આ મેચ જીતશે તો તે ફિફા વર્લ્ડ કપમાં બ્રોન્ઝ મેડલ જીતનારો પ્રથમ આફ્રિકન દેશ બની જશે. આ ત્રીજા સ્થાનની મેચ ભારતીય સમય અનુસાર રાત્રે 8.30 વાગ્યે શરૂ થશે.

બીજી તરફ, છેલ્લી રનર-અપ ક્રોએશિયન ટીમ તેના સ્ટાર ખેલાડી લુકા મોડ્રિકને જીત સાથે વર્લ્ડ કપમાંથી વિદાય આપવા માંગે છે. મોરોક્કોએ ફિફા વર્લ્ડ કપમાં વિરોધી ખેલાડીઓને માત્ર બે ગોલ કરવાની મંજૂરી આપી છે. આવી સ્થિતિમાં ક્રોએશિયાને જીતવા માટે ખૂબ જ જોરદાર રમત બતાવવી પડશે.

🏟️😍 Presenting Khalifa International Stadium - the stage that will crown the third best at #Qatar2022 this evening! pic.twitter.com/qcidD1Dx7Y

— FIFA World Cup (@FIFAWorldCup) December 17, 2022

સેમિફાઈનલમાં મોરોક્કોને ફ્રાન્સે 2-0 થી હરાવ્યું હતું
સેમિફાઈનલમાં મોરોક્કોને ફ્રાન્સે 2-0 થી હરાવ્યું હતું. આ સાથે જ ક્રોએશિયાએ આર્જેન્ટિના સામે 0-3 થી હારનો સામનો કરવો પડ્યો હતો. જો જોવામાં આવે તો ક્રોએશિયા અને વર્લ્ડ નંબર 22 મોરક્કો વર્તમાન વર્લ્ડ કપમાં પહેલા એકબીજા સામે રમી ચૂક્યા છે. ગ્રુપ સ્ટેજની મેચ 0-0 થી ડ્રોમાં સમાપ્ત થઈ હતી. આ પહેલા આ બંને ટીમ 1996 માં હસન-2 ટ્રોફીમાં એક વખત આમને-સામને આવી હતી. ત્યારે બાદ તે મેચ પણ 2-2 થી ડ્રોમાં સમાપ્ત થઈ હતી.

લુક મોડ્રિક તેની કારકિર્દીની છેલ્લી વર્લ્ડ કપ મેચમાં એક છાપ છોડવા માંગે છે
મોરક્કો માટે અત્યાર સુધી અશરફ હકીમી અને હકીમ ઝીચ પ્રભાવશાળી રહ્યા છે અને આ મેચમાં પણ તેઓ મુખ્ય ભૂમિકા ભજવશે. અને ક્રોએશિયા માટે, લુક મોડ્રિક તેની કારકિર્દીની છેલ્લી વર્લ્ડ કપ મેચમાં એક છાપ છોડવા માંગશે, મોડ્રિક ઉપરાંત ક્રોએશિયન ચાહકો પણ ઈવાન પેરીસિક પાસેથી સારી રમતની અપેક્ષા રાખશે.

From an angle you've never seen 🎥

Robert Prosinečki's opener in the 1998 third-place playoff 🇭🇷 #FIFAWorldCup #Qatar2022

— FIFA World Cup (@FIFAWorldCup) December 17, 2022

ક્રોએશિયા-મોરોક્કોને બમ્પર પ્રાઈઝ મની મળશે
ક્રોએશિયા અને મોરોક્કો વચ્ચેની આ ત્રીજા સ્થાનની મેચમાં હારનાર અને જીતનાર ટીમને બમ્પર પ્રાઈઝ મની પણ મળશે. મેચની વિજેતા ટીમ (ત્રીજા નંબર)ને લગભગ 223 કરોડ રૂપિયા મળશે. તે જ સમયે, હારનાર ટીમ (ચોથા સ્થાને) લગભગ 206 કરોડ રૂપિયા આપવામાં આવશે. ફાઇનલ મેચની વિજેતા ટીમને 347 કરોડ રૂપિયા અને ઉપવિજેતા ટીમને 248 કરોડ રૂપિયા આપવામાં આવશે. ઉલ્લેખનીય છે કે, ફિફા વર્લ્ડ કપની ફાઇનલ મેચ ફ્રાન્સ અને આર્જેન્ટિના વચ્ચે રમાવાની છે.

ટોચની ચાર ટીમોની ઈનામી રકમ:
વિજેતા - રૂ. 347 કરોડ
ઉપવિજેતા - રૂ. 248 કરોડ
ત્રીજી ટીમ - રૂ. 223 કરોડ
ચોથી ટીમ - રૂ. 206 કરોડ