સ્પોર્ટસ / VIDEO: ચાલુ મેચે સ્ટાર ખેલાડીએ ગુમાવ્યો પિત્તો, સામેની ટીમના પ્લેયરને ચોડી દીધો લાફો

• રોનાલ્ડોએ આયરલેન્ડના ડિફેન્ડરને મારી થપ્પડ
• ફીફા વિશ્વ કપ ક્વોલીફાયર મેચમાં બની ઘટના
• આયરલેન્ડના ડીફેન્ડરને થપ્પડ માર્યો

રોનાલ્ડોએ આયરલેન્ડના ડીફેન્ડરને થપ્પડ મારી

પુર્તગાલના ફૂટબોલર ક્રિસ્ટિયાનો રોનાલ્ડોના વાયરલ વીડિયોએ સોશિયલ મીડિયા પર ધૂમ મચાવી છે. એક તરફ તે ઇન્ટરનેશનલ ફુટબોલમાં સૌથી વધુ ગોલ કરનાર ખેલાડી બની ગયાં છે. તેમના નામે આજ સુધી 111 ગોલ નોંધાઇ ગયા છે ત્યારે બીજી તરફ તેમને એક કરતૂત સોશિયલ મીડિયા પર ફેલાઇ ગઇ છે. રોનાલ્ડોએ આયરલેન્ડની સામે ફીફા વર્લ્ડકપ ક્વોલીફાયર ગ્રુપ મેચમાં આયરલેન્ડના ડિફેન્ડરને થપ્પડ મારી હતી. તેમનો આ વીડિયો સોશિયલ મીડિયા પર વાયરલ થયો છે.

ઓ-શિયા પોતાનો ચહેરો પકડી જમીન પર બેસી ગયા

પુર્તગાલ અને આયરલેન્ડ વચ્ચે યોજાયેલ ફીફા વર્લ્ડકપ ક્વોલીફાયર ગ્રુપ મેચ દરમિયાન જ્યારે રોનાલ્ડો પેનલ્ટી સ્પૉટની રાહ જોઇ રહ્યાં હતાં ત્યારે આયરલેન્ડના ખેલાડી ઓ-શિયાએ બૉલને પોતાના પગથી દુર કરી દીધો. તેમની આ હરકતને લીધે રોનાલ્ડોએ ડિફેન્ડરને થપ્પડ મારી. ઓ-શિયા તરત જ પોતાનો ચેહરો પકડી જમીન પર બેસી ગયાં. જો કે રોનાલ્ડોને કોઇ સજા મળી નથી. કારણકે રેફરીને તે ઘટના જાણ બહાર નીકળી ગઇ હતી. રોનાલ્ડોની આ કીકને યુવા ગોલકીપર ગેવિન બાજનૂએ બચાવી લીધી.

This is a red card.... pic.twitter.com/ziOlCgzXed

— Kieran🇮🇪 (@N17Kieran_) September 1, 2021

આયરલેન્ડે 45મી મિનિટમાં જોન એગનના ગોલથી આગેવાની લીધી

જો આ મેચની વાત કરવામાં આવે તો આયરલેન્ડે 45માં મિનીટમાં જોન એગનના ગોલથી મેચની આગેવાની લીધી. ત્યારબાદ રોનાલ્ડોએ એસ્ટાડિયો અલ્ગાર્વે ફીફા વર્લ્ડકપ ક્વોલીફાયરના 89માં અને 90+6માં મિનીટમાં 2 વખત ગોલ કર્યા. જેનાથી પુર્તગાલે આ મેચ 2-1થી જીતી લીધી ત્યાં જ રોનાલ્ડોએ ઇરાનના અલી ડેઇના પાછલા રેકોર્ડને તોડતાં ઇન્ટરનેશનલ ફૂટબૉલમાં 111 ગોલ પોતાના નામે કર્યા. ઇરાનના અલી દેઇના નામે 109 ગોલનો રેકોર્ડ નોંધાયો હતો. ઉલ્લેખનીય છે કે, અન્ય કોઇ પણ ફૂટબોલ ખેલાડી 100ના આંક સુધી પણ નથી પહોંચી શક્યા. લિયોનેલ મેસી પણ આ યાદીમાં રોનાલ્ડોથી 35 ગોલ પાછળ છે.