વેસ્ટ ઇન્ડિઝનો આ વિસ્ફોટક બેટ્સમેન લેશે વર્લ્ડ કપ પછી સંન્યાસ

વેસ્ટ ઇન્ડિઝ વિસ્ફોટક બેટ્સમેન ક્રિસ ગેઇલે વનડે ઇન્ટરનેશનલ ક્રિકેટમાંથી સંન્યાસની ઘોષણા કરી છે. ઇંગ્લેન્ડમાં રમાનારા 2019ના વર્લ્ડ કપ પછી નિવૃતિ લેશે. વેસ્ટ ઇન્ડિઝ ક્રિકેટ તરફથી ટ્વીટ દ્વારા જાણકારી આપવામાં આવી છે. 

ક્રિસ ગેઇલે વેસ્ટ ઇન્ડિઝ ટીમ સાથે બાર્બાડોઝમાં પ્રેક્ટિસ સેશનમાં ભાગ લેવા આવ્યો હતો. પ્રેક્ટિસ પહેલા જ તેણે આ ઘોષણા કરી દીધી. વિન્ડીઝની ટીમ અહીં ઇંગ્લેન્ડ વિરુદ્ઘ શરૂ થયેલી વનડે સીરિઝની તૈયારી કરી રહી છે. ગેઇલને આ શ્રેણીની પ્રથમ 2 વનડે માટે પસંદ કરવામાં આવ્યો છે.
 

BREAKING NEWS - WINDIES batsman Chris Gayle has announced he will retire from One-day Internationals following the ICC Cricket World Cup 2019 England & Wales. (More to come) #MenInMaroon #ItsOurGame pic.twitter.com/AXnS4umHw2

— Windies Cricket (@windiescricket) 17 February 2019

39 વર્ષીય જમૈકાનો ખિલાડી ક્રિસ ગેલે પોતાના કરિયરમાં અત્યાર સુધી 284 વનડે ઇન્ટરનેશનલ મેચ રમી છે તેના નામે 9727 રન છે. આ રન તેણે 37.12ની એવરેજથી કર્યા છે. આ પાવર હિટ બેટ્સમેને પોતાના કરિયરમાં 23 સેન્ચુરી અને 49 હાફસેન્ચુરી કરી છે. 

જમૈકાના ખિલાડીએ વનડેની સર્વોચ્ચ સ્કોરની વાત કરવામાં આવે તો તેના નામે એક ડબલ સેન્ચુરી (215)  છે જે તેણે ઝિમ્બાબ્વે વિરુદ્ઘ 2015 વર્લ્ડ કપમાં કૈનબરામાં કરી હતી. આ મેચમાં તેણે માર્લન સેમ્યૂલ્સની સાથે મળીને 372 રનની પાર્ટનરશિપ કરી હતી. ગેઇલ ત્યારે દુનિયાનો એવો પ્રથમ બેટ્સમેન બન્યા હતો જેના નામે ટેસ્ટમાં ત્રેવડી અને વનડે બેવડી અને T-20 સેન્ચુરી હોય. દુનિયામાં 'યૂનિવર્સ બૉસ' નામથી પોતાની ઓળખ બનાવનારા ગેઇલ 103 ટેસ્ટ અને 56 T-20 મેચો રમી છે.