વાસ્તવિકતા / હાઈવે પર તમારું વાહન પોલીસ જ ચેક કરી રહી છે ને? સુરત પુણા પોલીસની ગુનાહિત બેદરકારી, હવે જવાબ આપવાના પણ ફાંફાં

• પુણા પોલીસની ગુનાહિત બેદરકારી 
• ખાનગી માણસો હાથમાં દંડા સાથે દેખાયા
• પોલીસ સ્ટેશનમાં લેખિત અરજી કરાઈ

સુરતમાં એક તરફ ક્રાઈમનો રેશિયો ખૂબ ચિંતાજનક સ્તરે વધી રહ્યો છે. પોલીસની લાખ કોશિશો પછી પણ રોજ ચોરી લૂટફાટ હત્યાના બનાવો દિવસેને દિવસે વધી રહ્યા છે. તો બીજી તરફ પોલીસ પોતાની ફરજ ભૂલી ગમે તે ઈસમો હાથમાં દંડા આપી રહી છે. અસમાજીક તત્વોને જે દંડાનો ડર રહ્યો નથી તે દંડા પોલીસ હવે ખાનગી માણસોને આપી રહી છે. 

પુણા પોલીસની ગુનાહિત બેદરકારી
આ એટલા માટે કહેવું પડે છે કે સુરત અને પુણા પોલીસની ગુનાહિત બેદરકારી સામે આવી છે. પોલીસ ચોકીની બહાર ખાનગી માણસો હાથમાં દંડા સાથે દેખાયા છે એટલેથી જ નહીં હાથમાં દંડા લઇને વાહનોના ચેકિંગ કરતા પણ શખ્સો નજરે પડ્યા છે. કોઈ વરદી નહીં કોઈ પાવર નહીં બસ પોલીસના સાઘેલા આ ઈસમો વાહન ચાલકોને રોકી રહ્યા છે. સઘન તપાસ કરતાં એ પણ જાણવા મળ્યું છે કે આ ઈસમો રિક્ષા ડ્રાઈવરો છે જે પોલીસનું કામ કરી રહ્યા હોવાનો આરોપ લાગી રહ્યો છે. 

પોલીસ ચોંકી ખાલીખમ
વરવી વસ્તાવિક્તા એ છે કે બીજી તરફ પુણા પોલીસ ચોકી ખાલીખમ જોવા મળી છે પોતાની ફરજ અને સત્તા બીજાને આપી દીધી હોય તેમ પોલીસ સ્ટેશનમાં ચકલુય ફરકતું નથી. ફરજ પરના પોલીસકર્મીના કહેવાથી વાહન ચેકિંગ કરતા હોવાનો દાવો કરવામાં આવી રહ્યો છે.વીડિયો ઉતારનાર મેહુલ બોધરા સવાલ કર્યો તો જે વાહન ચેકીંગ કરતો હતો તે ઈસમ રિક્ષા લઈને ભાગવાનો પ્યાસ કર્યો તેમજ અન્ય શખ્સોને સતત સવાલ કરવામાં આવ્યા કે તમારા હાથમાં દંડા કેમ છે અને પોલીસના બદલે તમે કેમ વાહન ચેકિંગ કર્યુ? તેના કોઈ જવાબ આપી શક્યા નહીં. 

કોરી રશીદ બૂક લાવારીશ હાલતમાં મળી
આ ગુનાહિત બેદરકારીમાં એક વધુ ખુલાસો થયો છે કે પુણા પોલીસ ચોકીમાંથી કોરી રશીદ બૂક પણ મળી આવી છે. એડવોકેટ મેહુલ બોધરાએ પોલીસ કંટ્રોલમાં જાણ કરતા પોલીસ મુશ્કેલીમાં મુકાયા છે. પુણા પોલીસ સ્ટેશનમાં લેખિત અરજી પણ કરવામાં આવી છે.