રિપોર્ટ / આ ચૂંટણીમાં મહિલા ઉમેદવારોમાં સૌથી ધનિક હેમા માલિની, જાણો કેટલી સંપત્તિ

રિપોર્ટ મુજબ, તેમાં કોંગ્રેસની 54 ઉમેદવારમાંથી 14 એટલે કે 26 ટકા, ભાજપની 53 માંથી 18 એટલે કે 34 ટકા, બસપાની 24માંથી 2 એટલે 8 ટકા, તૃણમૂલની 23માંથી 6 (26 ટકા) તથા 222 અપક્ષ મહિલા ઉમેદવારોમાંથી 22 એટલે કે 10 ટકા મહિલા ઉમેદવારોએ પોતાના એફિડેવિટમાં પોતાની વિરુદ્ધ ગંભિર ગુનાકીય કેસની જાણકારી આપી. 

નેશનલ ઇલેક્શન વોચ અને ADRએ 724 મહિલા ઉમેદવારોમાંથી 716ના એફિડેવિટનું વિશ્લેષણ કર્યું છે. રિપોર્ટમાં કહેવામાં આવ્યું છે કે 78 (11 ટકા) મહિલા ઉમેદવારોએ જણાવ્યું કે તેમના વિરુદ્ધ દુષ્કર્મ, હત્યા, હત્યાનો પ્રયાસ, મહિલાઓ વિરુદ્ધ ગુના જેવા ગંભીર ગુનાઓના કેસ નોંધાયેલા છે. 

એડીઆરે જણાવ્યું કે, જે 716 મહિલા ઉમેદવારોના એફિડેવિટનું વિશ્લેષણ કરવામાં આવ્યું છે, તેમાં 255 (36 ટકા) કરોડપતિ છે. રિપોર્ટ મુજબ, કોંગ્રેસની 54 મહિલા ઉમેદવારોમાંથી 44  (82 ટકા), ભાજપની 53 માંથી 44 (83 ટકા), બસપાની 24માંથી 9 (38 ટકા), તૃણમૂલ કોંગ્રેસની 23 માંથી 15 (65 ટકા) અને 222 અપક્ષ મહિલા ઉમેદવારોમાંથી 43 (19 ટકા) એ પોતાના એફિડેવિટમાં એક કરોડથી વધારે સંપત્તિની જાણકારી આપી છે. 

રિપોર્ટ અનુસાર, કોંગ્રેસની 54 મહિલા ઉમેદવારોમાં પ્રતિ ઉમેદવારની સરેરાશ સંપત્તિ 18.84 કરોડ, ભાજપની 53 ઉમદેવારની સરેરાશ સંપત્તિ 22.09 કરોડ, બસપાની 24 ઉમેદવારોની સરેરાશ સંપત્તિ 3.03 કરોડ, તૃણમૂલ કોંગ્રેસની 23 ઉમેદવારોની 2.67 કરોડ, માકપાની 10 મહિલા ઉમેદવારોની 1.33 કરોડ, સપાની 6 ઉમેદવારોની 39.85 કરોડ, આપ પાર્ટીની 3 મહિલા ઉમેદવારોની 2.92 કરોડ અને 222 અપક્ષ મહિલા ઉમેદવારોની સરેરાશ 1.63 કરોડ છે.

સૌથી ધનિક મહિલા ઉમેદવાર ભાજપની

ભાજપનાં મથુરાથી ઉમેદવાર અને અભિનેત્રી હેમામાલિની મહિલા ઉમેદવારોમાં સૌથી વધુ ધનિક છે. તેમની પાસે 250 કરોડ રૂપિયાની સંપત્તિ છે. બીજા નંબરે તેલૂગૂ દેશમની આંધ્રપ્રદેશની રાજમપેટ સીટની ઉમેદવાર ડી.એ.સત્યપ્રભા (220 કરોડ), અને ત્રીજા સ્થાને પંજાબની ભટિન્ડાથી અકાલી દળની હરસિમરત કૌર બાદલ (217 કરોડ ) છે.