રાજ્યના છેવાડે આવેલ વલસાડ શહેરનું એક મોલ ભારે બદનામ છે. આ મોલમાં મોટા મોટા શો રૂમ આવેલા છે. જોકે આ મોલ માં મોંઘી ચીજ વસ્તુઓની સાથે સાથે યુવતીઓના જીસ્મ ફરોશી નો ધંધો પણ ફૂલ્યો છે. મસાજની આડમાં સ્પાના સંચાલકો ગ્રાહકોની રાતો રંગીન થતી હતી.
વલસાડના સાઈ લીલા મોલમાંથી ઝડપાયું કુટણખાનું
સ્પાની આડમાં ચાલતું હતું કુટણખાનું
4 લલના, 1 ગ્રાહક, મેનેજર સહિત 7ને ઝડપી પાડ્યા
જોકે પોસ વિસ્તારમાં આવેલ આ સ્પામાં અગાઉ પણ મોટું સેક્સ રેકેટ ઝડપાઇ ચૂક્યું હતું. આ વખતે ફરી એક વાર વલસાડ LCBની ટીમે રેડ પાડી 4 લલના સહીત 7 લોકોની ધરપકડ કરવામાં આવી છે ત્યારે વારંવાર આ સેક્સ રેકેટ માં સંડોવાયેલ મહિલા કોણ છે જે યુવતીઓ ની મજબૂરી નો લાભ ઉઠવતી હતી.
દેહ વ્યાપારનો ગોરખ ધંધો
ઉલ્લેખનીય છે કે, વર્ષ 2019માં પણ પોલીસેસાંઈ લીલા મોલમાં આવેલ સ્પામાં રેડ કરી હતી અને ત્યારે પણ સેક્સ રેકેટનો પર્દાફાશ કર્યો હતો. ત્યાર બાદ આ સ્પાને પોલીસે બંધ કરાવી દીધું હતું. એ વખતે પણ આ સેક્સ રેકેટની મુખ્ય સૂત્રધાર એવી મુંબઈની પૂનમ જૈન નામની મહિલાનું નામ ખૂલ્યું હતું. આથી પોલીસે તેની ધરપકડ કરી સળિયા પાછળ ધકેલી દીધી હતી.પરંતુ તે જામીન પર મુક્ત થઈ હતી. જોકે તેમ છતા પૂનમ જૈન નામની આ મહિલાએ ફરી એક વખત નામ બદલી ને આ સેક્શ રેકેટ સરું કર્યું હતું અને અન્ય રાજ્યોમાંથી યુવતીઓને લાવી અને આ દેહ વ્યાપારનો ગોરખ ધંધો ચલાવતી હતી.
વલસાડ પોલીસે કાર્યવાહી હાથ ધરી
જોકે આજે પોલીસ ની આ કાર્યવાહી વખતે મુખ્ય આરોપી અને સ્પા ની સંચાલિકા પૂનમ જૈન મળી આવી નહિ હતી..આથી પોલીસે તેને વોન્ટેડ જાહેર કરી હતી અને તેની ધરપકડ કરવા કાર્યવાહી હાથ ધરી હતી. જોકે એક વખત પોલીસના હાથે ઝડપાયા બાદ જામીન પર છૂટી ફરી એક વખત પૂનમ જૈન એ સેક્સ રેકેટ ચલાવતી હોવાનો પર્દાફાસ થતાં આરોપી પૂનમ જૈન ના જામીન રદ્દ કરી તેની ધરપકડ કરી આ કેસ માં ગાળિયો મજબૂત કરવા વલસાડ પોલીસે કાર્યવાહી હાથ ધરી છે.
પહેલા પણ ઝડપાયું હતું કુટણખાનું
વલસાડ એલસીબી પોલીસે પાડેલા દરોડામાં સ્પામાં મેનેજર તરીકે કામ કરતા નીલકુમાર પ્રાણવેશ ભૌમિક, મોહમદ ગઝાલી મોહમદ ફારુક શેખ અને મસાજ કરાવવા આવેલો વાપીના નબીરા મૃદુલ મહેન્દ્ર લાલવાણીને પકડી પાડ્યા હતા. જ્યારે તેની સંચાલિકા પુનમ અશોક જૈન ત્યાં હાજર ન હોય પોલીસે તેને વોન્ટેડ જાહેર કરી હતી. પોલીસે આ સ્પામાંથી 2 સિક્કીમ અને 2 મુંબઇની યુવતીને પકડી પાડી હતી. જોકે યુવતીઓનું નિવેદન લઇ પોલીસે તેમને મુક્ત કરી ઝડપાયેલા આરોપીઓ વિરોધ કડક કાર્યવાહી હાથ ધરી હતી. ત્યારે એક વાર અગાઉ પોલીસ છાપા માં ઝડપાયેલ સેક્સ રેકેટ ફરી એક વાર કોની મદદગીરીથી ફરી ધમધમી રહ્યું હતું તે મામલે પણ ઉંડાણ પૂર્વક તપાસ થાય તે ખૂબ જરૂરી છે.