શરમજનક / ટેલીવૂડમાં હડકંપ મચ્યો: જાણીતી આ 2 એક્ટ્રેસ ચડી ચોરીના રવાડે, પોલીસે કરી મોટી કાર્યવાહી

• કોરોનાએ ચોરી કરવા કરી મજબૂર 
• લૉકડાઉનમાં કામ ન હોવાના કારણે કરી ચોરી 
• બે અભિનેત્રીઓએ 3 લાખ રૂપિયાની કરી ચોરી 

ક્રાઇમ પેટ્રોલ એવો શો છે જેમાં ક્રાઇમની સત્ય ઘટના બતાવવામાં આવે છે અને આ શો હીટ છે. તે જ શોમાં કામ કરનાર બે અભિનેત્રી પણ ક્રાઇમના રવાડે ચડી ગઇ હતી. લૉકડાઉનના કારણે કામ ન મળવાને કારણે ક્રાઇમ પેટ્રોલ સિરીયલની બે અભિનેત્રીઓએ ચોરી કરી હતી અને પોલીસે તે બંનેને એરેસ્ટ કરી લીધી હતી. 

સૂત્રોના જણાવ્યા અનુસાર આ બંને યુવતીઓ રૉયલ પામ વિસ્તારમાં સ્થિત એક પોશ બિલ્ડીંગમાં રહેનાર સખ્શના ત્યાં 18 મેના રોજ પેઇંગ ગેસ્ટ બનીને ગઇ હતી અને તે દરમિયાન બંનેએ લોકરમાં રાખેલા 3 લાખ 28 હજાર ચોરી લીધા હતા અને ત્યાંથી રફૂચક્કર થઇ ગઇ હતી. 

ચોરી થયાની જાણ થતાં ફ્લેટના માલિકે પોલીસ ફરિયાદ નોંધાવી હતી અને પોલીસે તાત્કાલિક તપાસ શરૂ કરી દીધી હતી. CCTV ફૂટેજના આધારે બંને યુવતીઓની ઓળખાણ થઇ અને પોલીસે બંનેને એરેસ્ટ કરી લીધી હતી. 

પોલીસે CCTVમાં જોયુ કે બંને પૈસા સહિત બહાર નીકળી રહી છે અને જ્યારે પૂછપરછ કરવામાં આવી ત્યારે બંનેએ પોતાનો ગુનો કબૂલી લીધો હતો. 

ટીવીના ચર્ચિત શો ક્રાઇમ પેટ્રોલ અને સાવધાન ઇન્ડિયામાં પણ કામ કરી ચૂકી છે અને ઘણી વૅબ સિરીઝમાં કામ કરી ચૂકી છે. બંને આરોપીને કોર્ટમાં રજૂ કરવામાં આવી હતી અને કોર્ટો બંનેને 23 જૂન સુધી પોલીસ કસ્ટડીમાં મોકલી દીધી છે.