પોપ્યુલર સીરિયલ ક્રાઈમ પેટ્રોલની એક્ટ્રેસ પ્રેક્ષા મહેતાએ ગળે ફાંસો ખાઈને આત્મહત્યા કરી લીધી છે. તે સોની ટીવી અને કલર્સ જેવી મોટી ચેનલ્સના ઘણાં પ્રોગ્રામમાં કામ કરી ચૂકી હતી. મરતાં પહેલાં તેનું છેલ્લું ઈન્સ્ટાગ્રામ સ્ટેટ્સ હતું, 'સૌથી ખરાબ હોય છે સપનાઓનું મરી જવું'.
પોપ્યુલર સીરિયલ ક્રાઈમ પેટ્રોલની એક્ટ્રેસે ફાંસો ખાઈએ કરી આત્મહત્યા
લોકડાઉનને કારણે મુંબઈથી પોતાના ઘરે ઈન્દોર ગઈ હતી અભિનેત્રી
એવું કહેવાય છે કે ડિપ્રેશનને કારણે અભિનેત્રીએ આ પગલું ભર્યું
ઈન્દોરના બજરંગ નગરમાં રહેતી ટીવી એક્ટ્રેસ ગઈકાલે મોડી રાતે ફાંસો ખાઈને આત્મહત્યા કરી લીધી. તે મુંબઈમાં ટીવી સીરિયલમાં કામ કરતી હતી. ક્રાઈમ પેટ્રોલના પણ ઘણાં પ્રોગ્રામમાં તે કામ કરી ચૂકી હતી. આ એક્ટ્રેસના પિતાના જણાવ્યા અનુસાર, લોકડાઉનને કારણે તે ઘરે આવી ગઈ હતી. મુંબઈમાં જે રીતે કોરોના સંકટ વધી રહ્યો હતો, તે સમજી ગઈ હતી તે તેને હવે લાંબા સમય સુધી કોઈ કામ નહીં મળે, જેના કારણે તે ડિપ્રેશનમાં જતી રહી હતી અને તેણે આ પગલું ભરી લીધું. હાલ પોલીસ આ મામલે તપાસ કરી રહી છે.
પોલીસના એક અધિકારીનું કહેવું છે કે, લોકડાઉનમાં કામ ન હોવાને કારણે તેણે આત્મહત્યા કરી લીધી છે. એવું પરિવારના લોકોને લાગી રહ્યું છે. હાલ ઈન્દોર પોલીસે કેસ નોંધી તપાસ શરૂ કરી છે. પોલીસ આ એક્ટ્રેસની મોત પાછળનું કારણ જાણવામાં લાગી ગઈ છે. ત્યારબાદ જ એક્ટ્રેસની મોતનું ચોક્કસ કારણ સામે આવી શકશે.
લોકડાઉનને કારણે અભિનેત્રી પ્રેક્ષા મહેતા જેવી ઘણી યુવતીઓને કામની ચિંતા સતાવવા લાગી છે. આ જ કારણથી પ્રેક્ષાના છેલ્લા સ્ટેટસથી સમજી શકાય છે કે તેની મનોદશા શું હશે. જેમાં તેણે લખ્યું હતું કે, સૌથી ખરાબ હોય છે સપનાઓનું મરી જવું.
તમને જણાવી દઈએ કે, પ્રેક્ષાએ અભિજીત વાડકર, સંતોષ રેગે અને નગેન્દ્ર સિંહ રાઠોડના નાટ્ય ગ્રુપમાં 'ડ્રામ ફેક્ટરી'થી કરિયરની શરૂઆત કરી હતી. મંટોનું લખેલું નાટક 'ખોલ દો' તેનો પહેલો પ્લે હતો. આમાં જબરદસ્ત રિસ્પોન્સ મળ્યા બાદ તેણે ખૂબસૂરત બહુ, બૂંદ, રાક્ષસ, પ્રતિબિંબ, પાર્ટનર્સ, હાં, થ્રિલ, અધૂરી ઔરત જેવા નાટકોમાં કામ કર્યું, તેને ત્રણ રાષ્ટ્રિય નાટ્ય ઉત્સવોમાં ફર્સ્ટ પ્રાઈઝ પણ મળ્યું હતું. તેને શાનદાર એક્ટિંગ માટે એવોર્ડ પણ મળ્યો હતો.