લૂંટકેસ / દાહોદમાં આંખમાં મરચું નાંખીને લૂંટ મામલે ફિલ્મી વળાંક આવ્યો, જાણો શું છે હકીકત

• દાહોદમાં શ્રીરામ બેંકના એજન્ટે જ મિત્રની સાથે મળીને લૂંટ કરી
• દાહોદમાં લૂંટ થઇ હોવાનું ષડયંત્ર રચનારા હેમંત અને પંકજ.
• દાહોદમાં શ્રીરામ બેંકના એજન્ટે જ મિત્રની સાથે મળીને લૂંટ કરી

 
પ્રાપ્ત થતી માહિતી અનુસાર દાહોદ શહેર નજીક આવેલા રળિયાતી ગામના સાંસીવાડના રહેવાસી અને શ્રી રામ કો.ઓપરેટીવ બેંકમાં એજન્ટ તરીકે કામ કરતા હેમંતકુમાર પ્રકાશભાઇ ભાના દ્વારા બે બાઇક ઉપરસવાર ચાર યુવકોએ બ્લેડથી હુમલો કરીને મોતની ધમકી આપીને તેની પાસેથી 1.96 લાખ રૂપિયા સહિતના સામાનની લુંટ કરી હોવાની ફરિયાદ નોંધાવવામાં આવી હતી.

આંખમાં મરચું પડ્યું જ ન હોવાનું સામે આવ્યુ હતું

આ મામલે દાહોદ LCB PI બી.ડી શાહ હેમંતકુમારની શંકાસ્પદ હિલચાલના આધારે શંકા ગઇ હતી. દરમિયાન મેડિકલ કરાવતાં તેની આંખમાં મરચું પડ્યું જ ન હોવાનું સામે આવ્યુ હતું. આ ઉપરાંત તેના હાથે વાગેલો બ્લેડનો લસરકો પણ સીધો હોવાથી આકરી પૂછપરછ કરવામાં આવી હતી.

64,100 સહિતનો મુદ્દામાલ રિકવર કરવામાં આવ્યો

પોલીસના ગોળગોળ પ્રશ્નોથી મુંઝાયેલા હેમંતકુમાર દ્વારા અંતે ઉઘરાણી કરવામાં આવેલા 1.32 લાખ રૂપિયા વપરાઇ ગયા હોવાથી રળિયાતી ખાતે રહેતા મિત્ર પંકજ અશોક દેવયાની સાથે મળીને આ આખુંય ષડયંત્ર ઘડ્યું હોવાની કબૂલાત કરવામાં આવી હતી. પોલીસ દ્વારા પંકજ પાસે મુકી રાખેલા 64,100 સહિતનો મુદ્દામાલ રિકવર કરવામાં આવ્યો હતો. આ બંને સામે પોલીસને ખોટી રીતે ગેરમાર્ગે દોરવા મામલે કાયદેસરની કાર્યવાહી કરવામાં આવશે.

માર્ગદર્શિકા પ્રમાણે મેડિકલ ચેકઅપ કરવામાં આવી રહ્યું છે
 
હાલ દાહોદ પોલીસ બંને આરોપી ઓની કોવિડ 19નાં માર્ગદર્શિકા પ્રમાણે મેડિકલ ચેકઅપ કરવામાં આવી રહ્યું છે બાદમાં અબનને આરોપીઓની હાલ આગામી કેટલાક કેસોમાં સંડોવાયેલા છે કે કેમ તેના માટે રીમાંડ મેળવવાની તજવીજ હાથ ધરી છે