બનાસકાંઠાના ડીસામાં જાણીતા CAએ ઇન્સ્યોરન્સ ના પૈસા મેળવવા અને પ્રેમિકાને પામવામાં નડતર રૂપ બેનીલી પોતાની પત્નીની હત્યા કરી અકસ્માત ખપાવી દીધી હોવાની ઘટના સામે આવી છે. ભીલડી પોલીસે કોલ ડિટેલ ના આધારે આ સમગ્ર કાવતરા નો ભેદ ઉકેલી હત્યારા પતિ ની અટકાયત કરી વધુ તપાસ હાથ ધરી છે.
ઠંડે કલેજે પત્નીને પતાવી દીધી
પત્નીને નામે 1.20 કરોડનો વીમો લીધો
17 લાખની ગાડી
સમગ્ર ઘટનાની વિગત જોઈએ તો ગત 26.12 ના રોજ વહેલી સવારે ડીસાના જાણીતા CA લલિત માળી અને તેમની પત્ની દક્ષાબેન બન્ને ગેળા હનુમાનજીના દર્શન કરવા પગપાળા જઈ રહ્યા હતા અને કાપરા ગામ પાસે CA લલિત પત્નીથી દુર ચાલી રહ્યા હતા તે સમયે અજાણી કારે ટક્કર મારતા દક્ષાબેન નું ઘટનાસ્થળે મોત થયું હોવાની ફરિયાદ ભીલડી પોલીસ મથકે નોંધાઈ હતી.
પત્નીના અંગો કર્યા દાન
બાદમાં મૃતકના પતિ CA લલિતએ ચક્ષુદાન કર્યું હતું , સમાજના વિકાસ માટે અલગ અલગ જગ્યાએ દાન કરી સમાજના લોકોની સહાનુભૂતિ મેળવવાની કોશિશ કરી હતી, જોકે બાદમાં સમગ્ર ઘટના બાબતે પોલીસ ને શંકા જતા પોલીસ તપાસ હાથ ધરી હતી જેમાં મૃતક દક્ષાના નામે આઠ માસ અગાઉ 1.20 કરોડનો વીમો લેવામાં આવ્યો હતો અને રૂ 17 લાખ ઉપરાંતની કિંમતની ક્રેટા ગાડી મૃતકના નામે લાવીને મિત્રને આપી હતી જે પોલીસને શંકા જતા ભીલડી પોલીસે ઝીણવટ ભરી તપાસ હાથ ધરી હતી.
અકસ્માત કરવા સોપારી આપી હતી તે મિત્ર જ દોડી આવ્યો
CA લલિત માળીની કડક પૂછપરછ કરતા આખરે તેણે તેની પત્ની અકસ્માતનો પ્લાન ઘડ્યો હોવાની કબૂલાત કરી હતી જેમાં તેના મિત્રને રૂ 2 લાખ આપી સ્વીફ્ટ ગાડીથી ટક્કર મારવાનો પ્લાન ઘડ્યો હતો અને પ્લાન મુજબ CA લલિત માળી ડીસાથી ગેળા હનુમાનજી મંદિર ચાલતા જય રહ્યા હતા તે સમયે કાપરા ગામ પાસે લલિત તેની પત્નીથી દુર ચાલી રહ્યો હતી તે સમયે તેના મિત્ર દક્ષાબેન ને ટક્કર મારી નાસી છૂટ્યો હતો અને બાદમાં CA લલિત માળી એ ડીસા 108 મેં ફોન કરી બોલાવેલ અને જે અકસ્માત કરવા સોપારી આપી હતી તે મિત્ર જ દોડી આવ્યો હતો અને મદદએ લાગ્યો હતો.
પોલીસ સ્વીફ્ટ ગાડી અને અન્ય આરોપીઓને ઝડપવાની તજવીજ હાથ ધરી
આમ સમગ્ર ઘટનાની કબૂલાત કરતા પોલીસ એ હાલ આરોપી CA લલિત માળીની અટકાયત કરી હતી અને વધુ તપાસ માટે દિયોદર DySP પી એચ ચૌધરી ,ભીલડી પી એસ આઈ અને એફ એસ એલની ટિમ આરોપીને ઘટના સ્થળે લઇ જઇ રિટેક્શન કરાવ્યું હતું.અને હવે પોલીસ સ્વીફ્ટ ગાડી અને અન્ય આરોપીઓને ઝડપવાની તજવીજ હાથ ધરી છે.
પોલીસે પતિની કડક પૂછપરછ કરતા આખરે તેને ગુનો કબૂલ્યો
આ સમગ્ર કેસમાં પોલીસે કોલ ડીટેલના આધારે હત્યા નો ભેદ ઉકેલયો છે જેમાં અકસ્માત પહેલા પત્નીના નામે 1.20 કરોડનો ઇન્સ્યોરન્સ લીધો હતો , 17 લાખની કાર પણ તેની પત્નીના નામે લીધી હતી અને તે કાર પણ તેના મિત્રને ચલાવવા માટે આપી દીધી હતી જે તમામ બાબતો જોતા પોલીસને શંકા ગઈ હતી અને તપાસમાં અકસ્માત પહેલા તેના મિત્ર સાથે થયેલી વારંવાર વાતચીતના આધારે પોલીસે પતિની કડક પૂછપરછ કરતા આખરે તેને ગુનો કબૂલ્યો હતો.
CA લલિત માળીને અન્ય યુવતી સાથે અફેર
CA લલિત માળીને અન્ય યુવતી સાથે અફેર હોઈ તેને પામવા માટેનું પત્ની નડતી હોઈ તેને મારી નાખવાનો પ્લાન ઘડ્યો હોઈ શકે અને બીજું 60 લાખનો વીમો લીધેલ હોઈ તે પૈસા મળે અને માલામાલ થઈ જવાના અને ગાડી ના હપ્તા પણ ભરવા ન પડે ત્યારે અફેર ધરાવતી યુવતી ની પણ તપાસ થવી જોઈએ એક યુવતી ના કારણે એક પતિ પોતાની પત્ની ને મારવા હિંમત કરી હોય ત્યારે આ યુવતી ની પણ ધરપકડ થવી જોઈએ તેમ મૃતક ના પરિવાર જનો નું માનવું છે