ક્રાઈમ હબ / 24 કલાકમાં ગુજરાતને હચમચાવી મુકે તેવી 4 ઘટનાઓ, જાણી રૂંવાડા ઉભા થઈ જશે

• છેલ્લા 24 કલાકમાં ક્રાઈમની 4 ઘટના 
• ઘર કંકાસ અને ઝઘડાના બનાવો વધ્યા 
• ગુજરાતમાં રૂંવાડા ઉભા કરી દે તેવા બનાવો 

ગુજરાતમાં ક્રાઈમ રેટમાં વધારો થઈ રહ્યો છે. ત્યારે છેલ્લા 24 કલાકમાં કંકાસ અને ઝઘડાની 4 ઘટના સામે આવી, જેમાં આત્મહત્યા, હત્યા અને શંકાસ્પદ મોત પણ સામે આવ્યું છે. સુરતમાં કાકાએ ભત્રીજાની હત્યાનો પ્રયાસ કર્યો, વડોદરામાંમ માતા દીકરીનું શંકાસ્પદ મોત, દ્વારકામાં એક જ પરિવારની 3 મહિલાઓએ આપઘાત કર્યો તો બીજી તરફ જામનગરમાં હેવાન પતિએ પત્ની અને પુત્ર પર પેટ્રોલ છાંટી જીવતા સળગાવવાનો પ્રયાસ કર્યો જેમાં બંને ગંભીર રીતે દાઝી જતા સારવાર અર્થે ખસેડાયા છે.

જામનગરમાં હેવાન પતિની કરતૂત 

જામનગરમાં હેવાન પતિને તુ પુત્રને બરાબર સાચવતી નથી કહી માતા અને પુત્રને ઓરડીમાં પુરી જીવતા સળગાવવાનો પ્રયાસ કરવામાં આવ્યો આ ઘટનામાં બંને ગંભીર રીતે દાઝી જતા તેમને સારવાર અર્થે ખસેડાયા છે. 

વડોદરામા શંકાસ્પદ માતા દીકરીના મોત 

વડોદરામાં માતા અને દીકરી શંકાસ્પદ મોત થતા પરિવારમાં હડકંપ મચ્યો, માતા અને દીકરી અસ્વસ્થ્ય જણાતા બંનેને સારવાર અર્થે હોસ્પિટલ લઈ જવામાં આવ્યા જ્યાં તબીબોએ તેમને મૃત જાહેર કરતા પરિવારમાં મોતનો માતમ છવાઈ ગયો અને શોકનું મોજુ ફરી વળ્યું છે.

દ્રારકામાં એક પરિવારની 3 મહિલાનો આપઘાત

દ્વારકામાં એક પરિવારની 3 મહિલાઓએ આપઘાત કરી લેતા ચકચાર મચી ગઈ છે જો કે આપઘાત પાછળનું કારણ હજુ સુધી જાણવા મળ્યું નથી, પરિવારમાં ઘર કંકાસ કે અગ્મ્ય કારણોસર મહિલાઓએ આત્મહત્યા કરી હોવાનું સામે આવ્યું છે, જો કે પોલીસે સમગ્ર મામલે તપાસ હાથ ધર છે. 

સુરતમાં કાકાએ કર્યો હત્યાનો પ્રસાસ 

સુરતમાં કાકાએ બે ભત્રીજાની હત્યાનો પ્રયાસ કર્યો છે જેમાં કાકાએ બે સગા ભત્રીજાને ત્રીજા માળેથી ઝાડી-ઝાંખરામાં ફેંકી દીધા હતા જો કે બન્ને ભાઇને ઇજાગ્રસ્ત હાલતમાં સિવિલ હોસ્પિટલ ખસેડવામાં આવ્યા હતા  જેમાં બંનેને તાત્કાલિક ઓપરેશન કરી બચાવી લેવાયા હતા મહત્વનું છે કે નશામાં ધૂત રહેતા કાકા નાગેન્દ્રને ઠપકો આપતા બદલો લેવા હત્યાનો પ્રયાસ કર્યો હતો, તો ભત્રીજાની હત્યાના પ્રયાસ પાછળ કાકાનું પ્રેમપ્રકરણ જવાબદાર હોવાનું ચર્ચાઇ રહ્યું છે સમગ્ર મામલે પાંડેસરા પોલીસે વધુ તપાસ હાથ ધરી છે.

છેલ્લા 24 કલાકમાં ક્રાઈમની 4 ઘટના 

મહત્વનું છે કે બે દિવસથી તડોછોડાયેલા શિવાંશની માતા હત્યા કેસની તપાસ ચાલી રહી છે, જેમાં આરોપી સચિન દિક્ષિતની સઘન પૂછપરછ કરવામાં આવી રહી છે, અને આરોપીએ સમગ્ર ઘટનાને કેવી રીતે અંજામ આવ્યો તેવી તપાસ હાથ ધરવામાં આવી છે.  ત્યારે છેલ્લા 24 કલાકમાં કંકાસ અને ઝઘડાની 4 ઘટના સામે આવી છે. જેને લઈને સમગ્ર ગુજરાતમાં ખળભળાટ મચી ગયો છે.