અંડરવર્લ્ડ / અંડરવર્લ્ડનો ડૉન રવિ પૂજારીને લઈ ક્રાઈમબ્રાન્ચની ટીમ અમદાવાદ પહોંચી, જાણો ગુજરાતમાં પૂજારી વિરુદ્ધ કેટલા કેસ

• ક્રાઇમ બ્રાન્ચની ટીમ દ્વારા અમદાવાદ લાવવામાં આવ્યો રવિ પૂજારી
• આવતીકાલે રવિ પૂજારીને બોરસદ કોર્ટમાં રજૂ કરાશે
• કોર્ટમાં ક્રાઇમ બ્રાન્ચ રવિ પૂજારીના રિમાન્ડની માગ કરશે 

ક્રાઇમ બ્રાન્ચની ટીમ દ્વારા રવિ પૂજારીને અમદાવાદ લાવવામાં આવ્યો છે. 20 જુલાઈના દિવસે રવિ પૂજારીને બોરસદ કોર્ટમાં રજૂ કરાશે. કોર્ટમાં ક્રાઇમ બ્રાન્ચ રવિ પૂજારીના રિમાન્ડની માગ કરશે. રવિ પૂજારી સેનેગલમાં એન્ટોની ફર્નાન્ડિઝના નામથી રહેતા હતો. રવિ પૂજારી સામે ધમકીઓ, ખંડણી, હત્યા સહિતના 200 ગુના દાખલ છે. ગુજરાતમાં રવિ પૂજારી સામે 30 ગુનાઓ નોંધાયા છે. બોરસદના કાઉન્સિલર પ્રજ્ઞેશ પટેલ પાસે ખંડણી માગી હતી. સાથે સોપારી લઇ હત્યાના પ્રયાસનો ગુનો નોંધાયો છે.

વર્ષ 2017માં ચંદ્રેશ પટેલ નામના શખ્સે સોપારી આપી હતી. બોરસદમા કોર્પોરેશનની ચૂંટણી હારી જતા સોપારી આપી હતી. અગાઉ પોલીસે શાર્પસૂટર સુરેશ પિલ્લાઇની પણ ધરપકડ કરી હતી. સુરેશ પિલ્લાઇના સાગરીત શબ્બીર મોમિનની ધરપકડ કરાઇ હતી. આ સાથે ચંદ્રેશ પટેલના મિત્ર ઘનશ્યામની ધરપકડ કરી હતી. ગુનામાં ઘનશ્યામના સાઢુભાઈ શ્યામગીરી પણ સામેલ હતો.

કોણ છે રવિ પૂજારી?  

કુખ્યાત ગેંગસ્ટર રવિ પૂજારી અંડરવર્લ્ડનો ડૉન છે
રવિ પૂજારી પર ધમકી, ખંડણી માગવાનો છે આરોપ
રવિ પૂજારીએ દાઉદના ભાઇ છોટા રાજન પર કરાવ્યો હતો હુમલો
નવી મુંબઇમાં સક્રીય ઉપાધ્યાય ગેંગ માટે કર્યુ કામ
બોલિવુડ સેલિબ્રિટીઓને અનેકવાર આપી ચૂક્યો છે ધમકી
અનેક સેલિબ્રિટીએ બદલ્યા હતા પોતાના મોબાઇલ નંબર
વિવેક ઓબેરોયને આપી હતી ધમકી
અક્ષય કુમારને 2 વખત કર્યા ફોન
સલમાન ખાન પાસે પણ માગી હતી ખંડણી
શાહરૂખ ખાન અને સિંગર અરજિતસિંહ પાસે માગી હતી ખંડણી
અમદાવાદના બિલ્ડર પાસે માગ્યા હતા 5 કરોડ 
આણંદના પ્રજ્ઞેશ પટેલ પર કરાવ્યું ફાયરિંગ
ગોધરાના ધારાસભ્ય સી.કે.રાઉલજીને પણ આપી હતી ધમકી
અમૂલના MD આર.એસ.સોઢીને આપી હતી ધમકી

 ક્યાંથી ઝડપાયો હતો રવિ પૂજારી?

કુખ્યાત ગેંગસ્ટર રવિ પૂજારીને પશ્ચિમ આફ્રિકાથી ઝડપ્યો હતો
બેંગાલુરુ પોલીસે પશ્ચિમ આફ્રિકાથી રવિ પૂજારીને ઝડપ્યો હતો
21 જાન્યુઆરી, 2019માં રવિ પૂજારીની ધરપકડ કરાઈ હતી
સેનેગલમાં એન્ટોની ફર્નાડિસના નામથી રહેતો હતો રવિ પૂજારી
પૂજારી પાસે બુર્કિનો ફાસોનો પાસપોર્ટ પણ હતો
સૌથી વધુ કેસ કર્ણાટકના હોવાથી રવિ પૂજારીની કસ્ટડી કર્ણાટક પોલીસે લીધી હતી