ભરૂચના નેશનલ હાઈવે પરથી ગુટખા ભરેલું કન્ટેનર ઝડપાયું છે. નેશનલ હાઈવે નજીક આવેલી નબીપુરથી તમાકુ ભરેલુ કન્ટેનર ઝડપાયું છે. ક્રાઈમબ્રાંચે કન્ટેનરની સાથે મહારાષ્ટ્રના 2 લોકોને ઝડપી પાડયાં છે.
ભરૂચમાંથી ગુટખા ભરેલું કન્ટેનર ઝડપાયું
નેશનલ હાઇવે 48 પરથી કન્ટેનર ઝડપાયું
ક્રાઇમબ્રાંચે કન્ટેનર સાથે મહારાષ્ટ્રના 2 લોકોની કરી ધરપકડ
પ્રાપ્ત મળતી વિગત અનુસાર ભરૂચના નેશનલ હાઇવે 48 પરથી પસાર થઇ રહેલા કન્ટેનરને ક્રાઇમ બ્રાંચે તપાસ માટે રોક્યું હતું. જો કે કન્ટેનરની અંદરથી આધાર પુરવા વિનાની ગુટખાની 140 બોરીઓ મળી આવતા ક્રાઇમ બ્રાંચના અધિકારીઓ ચોંકી ઉઠ્યા હતા.
ક્રાઇમ બ્રાંચના અધિકારીઓ દ્વારા કાર્યવાહી હાથ ધરવામાં આવતાં કન્ટેનરમાં રહેલા બે લોકોની ધરપકડ કરી હતી. જો કે આ બંને લોકો મહારાષ્ટ્રના વતની હોવાનું સામે આવ્યું છે.
ભરૂચ પાસેથી ગુટખા ભરેલુ કન્ટેનર ક્રાઇમ બ્રાંચે ઝડપી પાડ્યું હતું. ક્રાઇમ બ્રાંચે 10 લાખની ગુટખા સહિત કુલ 25 લાખનો મુદ્દામાલ કબ્જે કર્યો છે. ક્રાઇમ બ્રાંચે મુદ્દામાલ કબ્જે કરીને આગળની કાર્યવાહી હાથ ધરી છે.