ક્રાઇમબ્રાંચને સ્ટોરેજ નેટવર્કમાંથી 51 એડલ્ટ ફિલ્મો મળી આવી છે. જ્યારે રાજના લેપટોપમાંથી 68 ફિલ્મો મળી આવી છે. રાજ કુન્દ્રા એક બ્રિટીશ નાગરિક છે. તે સતત પુરાવા નષ્ટ કરી રહ્યો હતો. રાજ કુન્દ્રાએ આઇ ક્લાઉડમાંથી ઘણો ડેટા ડિલીટ કર્યો છે.
માર્કેટિંગ સ્ટ્રેટેજી તૈયાર કરતો હતો રાજ
PPT પ્રેઝન્ટેશનમાં હૉટશોટ એપ્લિકેશનની ડિટેલ્સ મળી આવી છે. જેમાં માર્કેટિંગ સ્ટ્રેટેજી, ફંક્શનની જાણકારી તેમજ સ્ક્રિપ્ટ સેક્સુઅલ કન્ટેન્ટ સાથે મળી છે.
શિલ્પાએ આપી સફાઇ
છેલ્લા થોડા દિવસ મારા માટે દરેક મોરચે સંઘર્ષમય રહ્યા છે. ઘણી અફવાઓ અને આક્ષેપો થઈ રહ્યા છે. મીડિયા અને મારા નજીકના લોકો દ્વારા પણ અઢળક અનધિકૃત આક્ષેપો થઈ રહ્યા છે. અનેક લોકો મારા પરિવારને ટ્રોલ કરી રહ્યા છે અને સવાલો ખડા કરી રહ્યા છે. અને માત્ર મારા સામે જ નહીં મારા પરિવાર સામે પણ આંગળીઓ ચીંધી રહ્યા છે. મેં હજુ સુધી કોઈ ટિપ્પણી કરી નથી અને આગામી સમયમાં હું પોતાને ટિપ્પણી કરવાથી દૂર જ રાખીશ. મહેરબાની કરીને મારા નામે ખોટા નિવેદનો ન ફેરવશો.
હું એક માતા તરીકે નમ્રતા પૂર્વક વિનંતી કરું છું કે અમારી ગુપ્તતા જાળવો અને અમારા બાળકોના સારા માટે મહેરબાની કરીને અધૂરી માહિતીઓથી દૂર રહો. માહિતીની પુરી ચકાસણી કર્યા વિના અધૂરી માહીતી ન ફેલાવશો.
અમારે મીડિયા ટ્રાયલની જરૂર નથી
હું ભારતની એક ગર્વિત નાગરિક છું જે દેશના કાયદાઓનું સન્માન કરે છે. હું છેલ્લા 29 વરસથી મહેનત કરું છું. જેમને મારા પર વિશ્વાસ છે તે લોકોને મે કડી નીચે નથી પડવા દીધા કે એમને ખરાબ નથી અનુભવવા દીધું. તમને લોકોને મારી વિનંતી છે કે મારા અને મારા પરિવારના ગુપ્તતાના અધિકારનું સન્માન કરો અને અમારે મીડિયા ટ્રાયલની જરૂર નથી એ કામ કાયદાને અને ન્યાયપાલિકાને કરવા દો. સત્યમેવ જયતે!