પડઘો / રાજ્યમાં એક જ દિવસે 1.46 કરોડનું MD ડ્રગ્સ અને 3.4 કિલોનો ગાંજો પકડાયો

• અમદાવાદમાં ગોવાથી મંગાવાયો હતો ડ્રગ્સનો જથ્થો
• રાજકોટમાંથી 3.400 ગ્રામ ગાંજા સાથે 2ની ધરપકડ
• અમદાવાદ ડ્રગ્સની ડિલિવરી લેવા જતા ઝડપાયા બંને આરોપી

vtvgujarati.com દ્વારા તાજેતરમાંજ ગુજરાતમાં ચાલતા ડ્રગ્સના કારોબારને સ્ટીંગ ઓપરેશન દ્વારા ખુલ્લો પાડવામાં આવ્યો હતો જેના પડઘા રૂપે પોલીસવડા શિવાનંદ ઝાએ પરિપત્ર જાહેર કર્યો હતો કે જ્યાંથી પણ ડ્રગ્સ અંગેની પ્રવૃત્તિ ચાલતી હશે અને જો પોલીસ નીસક્રિય કે આંખ આડા કાન કર્યા હોય તેવો ખ્યાલ આવશે તો PI અને PSIને સસ્પેન્ડ કરવામાં આવશે. હાલમાં રોજનું રાજ્યમાંથી કિલોમાં કેફી દ્રવ્ય પકડાઈ રહ્યુ છે જ યુવાનોની નશોમાં પહોંચવાનું હતુ. અમદાવાદ અને રાજકોટમાં આવાજ નશાના કારોબાર સાથે સંકળાયેલા લોકોને પોલીસે પોતાની ગીરફ્તમાં લીધા છે. 

અમદાવાદમાં 1.469 કિલોનું MD ઝડપાયુ
અમદાવાદમાંથી ક્રાઈમ બ્રાંચે MD ડ્રગ્સના જથ્થા સાથે બે આરોપીઓને ઝડપી પાડ્યા છે. ડ્રગ્સની ડિલીવરી લેવા જતા બે આરોપીઓ પોલીસ હથ્થે ચઢી ગયા હતા. મુંબઈથી ખાનગી ટ્રાવેલ્સમાં ડ્રગ્સ લાવવામાં આવ્યુ હતુ. 1.469 કિલો મેથા એમફાટામાઈન ડ્રગ્સની સાથે બે આરોપીઓ ઝડપાયા. ગોવામાંથી આ શખ્સોએ ડ્રગ્સનો જથ્થો મંગાવ્યો હતો. બાતમી આધારે ક્રાઈમ બ્રાંચે 1 કરોડ 46 લાખનું ડ્રગ્સ ઝડપીને વધુ કાર્યવાહી હાથધરી છે.

ક્રાઈમ બ્રાન્ચની પૂછપરછમાં ખુલાસો
બે આરોપી મઝહરહુસેન અને ઇમ્તિયાઝની પૂછપરછમાં ખુલાસો. આરોપીઓ મુંબઇથી નીતા ટ્રાવેલ્સ બસમાં ડ્રગ્સ લાવ્યા હતા. ટ્રાવેલ્સના કંડક્ટર પાસેથી જથ્થો મેળવ્યો હતો. આરોપીના ઘરે સર્ચ કરતા હથીયાર મળી આવ્યા હતા. કુલ સાત લોકો સામે ક્રાઇમબ્રાંચમાં ગુનો નોંધાયો

રાજકોટમાં નશાના કાળા કારોબારનો પર્દાફાશ
રાજકોટમાં SOG એ 3.400 ગ્રામ ગાંજા સાથે 2ની ધરપકડ કરી છે. બંને શખ્સોને પોલીસે રંગે હાથ ઝડપી પાડ્યા છે. આ બંનેના નામ હર્ષ અને દીવ્યેશ છે. પોલીસે હાલ તો તેમની ધરપકડ કરીને કાનૂની કાર્યવાહી હાથ ધરી છે. 

(તસવીરઃ ફાઈલ ફોટો છે)