કાર્યવાહી / ગુજરાતનો આ પ્રકારનો સૌપ્રથમ ગુનો, કુખ્યાત ખંડણીખોર વિશાલ ગોસ્વામીને લઇને ઘટસ્ફોટ

• વિશાલ ગોસ્વામીનો વેપારીમાં ફરી ફફડાટ
• જેલમાં બેસીને ખંડણીનુ નેટવર્ક ચલાવતો
• વિશાલ ગોસ્વામીના સાગરિતો વેપારીઓને ધમકી આપતા

વિશાલ ગોસ્વામી સહિત તેની ગેંગના સાત આરોપીઓ વિરુદ્ધ ઓર્ગેનાઈઝ ક્રાઇમ કરવા બદલ ગુજરાત રાજ્યનો સૌપ્રથમ ગુનો ગુજસીટોક હેઠળ નોંધાયો છે. વિશાલ ગોસ્વામી સાબરમતી સેન્ટ્રલ જેલમાં કેદ રહીને પણ ખંડણીનુ નેટવર્ક ચલાવતો હતો. છેલ્લા 6 મહિનાથી ચાલતા આ નેટવર્કની માહિતી બે મહિના પહેલા ક્રાઈમ બ્રાંચ પાસે આવી અને તેની તપાસ કરતા કુલ 7 આરોપી વિરુદ્ધ ગુનો નોંધાયો. જેમાંથી બિજેન્દ્ર ગોસ્વામી, અનુરાગ ઉર્ફે ટાઇગર ગોસ્વામી, જયપુરી ગોસ્વામી અને સૂરજ ગોસ્વામીની ધરપકડ કરી કુલ 20 મોબાઈલ, પીસ્ટલ અને 40 કારતૂસ કબજે કરવામાં આવ્યા છે. જ્યારે ગુનાના મુખ્ય આરોપી વિશાલ, અજય અને રીંકુ જેલમાં પણ મોબાઈલથી ખંડણીની કરતા હોવાની વાત સામે આવતા પોલીસે સર્ચ કરી ત્રણ મોબાઇલ કબજે કર્યા હતા. જોકે ગત ડિસેમ્બર માસમાં એક વેપારી પાસે આ ગેંગે પાંચ કરોડ રૂપિયાની ખંડણી માગી હોવાની જાણ થતા પોલીસે ગુનો નોંધવાની ફરજ પડી હતી.

વિશાલની સાગરિતો સાથે ખંડણીની વાતચીત

22 ડિસેમ્બર 2019 (સવારે 8.40)

વિશાલ- ઉઠ ગયા
સુરજ- હા
વિશાલ- જરા જા ઉસકે વહા
સુરજ- જાતા હુ
વિશાલ- 50000 લે લેના,, ... સે
સુરજ- લેટ જાઉ તો ચલે
વિશાલ- ફોન કર લેના
સુરજ- ઠીક હૈ

21 ડિસેમ્બર (11 વાગે)

બિજેન્દ્ર- હેલો
વિશાલ- ફોન આયા કોઈ
બિજેન્દ્ર-  બોપલ સે આયા થા 25 , દુસરા
વિશાલ- ઔર દો બજે કલ ઘર ગયે થે વહા ભેજ દેના
બિજેન્દ્ર- પહેલે બોપલ ભેજુ કે વહા ભેજુ
વિશાલ- કહી ભી ભેજ, 50 વહા સે લે લેના ઓર 25 વહા સે લે લેા ઓર સન્ડે કો આયેગે 25
બિજેન્દ્ર- ઠીક હૈ.

25 ડિસેમ્બર (12 વાગે)

વિશાલ- કલ શામ કો પૈસે આયે થે 50000
બિજેન્દ્ર- નહિ આયે ભાઈ, સુબહ 25 હજાર આયે
વિશાલ- મે બોલતા હુ , દુસરા એક 10 હજાર અવિનાસ કો ફોન કરકે ભેજ દેના
બિજેન્દ્ર- ઠીક હૈ

1.38 વાગે બિજેન્દ્રએ ફોન કર્યો...

બિજેન્દ્ર- અજય ભાઈ આગડિયાવાળાને ફોન કરીને કહેજો કે બિજેન્દ્રભાઈના નામે આપી દે
અજય- મે સંજયભાઈના નામે કરાવ્યુ છે અને તમારો નંબર આપ્યો છે..
બિજેન્દ્ર- મારી નીકનેમ છે સંજયભાઈ, તમે માધુપુરા નખાવ્યા હોય તો મારી આઈડીની જરૂર નથી..
અજય- મને એવુ કીધુ- માધુપુરા રમેશ કાંતિ નથી.
બિજેન્દ્ર- દરિયાપુર હસે
અજય- સજયભાઈ આગળ મેસેજ આપી દીધો છે.આગળ
બિજેન્દ્ર-  હા આંગડીયા વાત કરૂ છુ,,

6 જાન્યુઆરી...

બિજેન્દ્ર- અસક ખરાબ જાયેગા કી ઇસને કામ કરકે નહિ દીયા ઈસલીયે
વિશાલ- તુ દેખ લે પતા નહિ કયા હે કયા નહિ
બિજેન્દ્ર- બોલ રહા હુ ભાઈ ખર્ચા હોગા. કરના પડેગા, અભીતક કોઈ બોલા નહિ, વકીલો કો ભી પૈસા દે દીયા ઔર યે પૈસા દિયા હી હૈ મેરે સામને 3.50 લાખ દિયા હૈ ઇસકો
વિશાલ- તેરે સામને દિયા તો બોલા નહિ
બિજેન્દ્ર- કયા બોલુ.. ફોન ઉઠાવે તો બોલુના ઘર પે ભી નહિ મીલતા
વિશાલ-સોદા પાડ દો ફીર
બિજેન્દ્ર- સોદા તો પડ ગયા હૈ, સોદે મે તો કોઈ તકલીફ નહિ હૈ, એકાદ દિનમે પીસી પટેલ કો ડાયરેકટ બાત કર લેની થી, ઉપર સે પૈસૈ ઉસ હિસાબ સે મે બોલુ જબ

વિશાલ- ...વેપારીનુ નામ
બિજેન્દ્ર- તો કયા હૈ. ઉસસે થોડા ફર્ક પડેગા, તુમ ઉસકો દે દેગોને.. કી ભાઈ હમ બેઠો હૈ.. ટેન્શન મત કરો..

વિશાલ- હા
બિજેન્દ્ર- ....રેડી હો જાયેગા ઈતના ફટ્ટુ હૈ..
વિશાલ- બોલતા હું...

અમદાવાદ, રાજસ્થાન, ઉત્તરપ્રદેશ, મધ્યપ્રદેશ અને કર્ણાટક સહિતના રાજ્યોમાં 51થી વધુ ગુનાઓ વિશાલ ગોસ્વામીને વિરુદ્ધ નોંધાવી ચૂક્યા છે. વિશાલે અમદાવાદમાં 3 હત્યા સહિત મધ્યપ્રદેશ, ઉત્તરપ્રદેશ, રાજસ્થાન અને કર્ણાટકમાં મળી કુલ 13 હત્યા કરી છે. જ્યારે હત્યા સહિતના 50 ગુનાઓમાં વિશાલ પાંચ રાજ્યોમાં વોન્ટેડ હતો.

• કચ્છના ભારાસરની ‌BOB બ્રાંચમાં ફાયરિંગ કરી 12 લાખની લૂંટ
• ઘાટલોડિયામા નંદજ્વેલર્સના માલિક પર ફાયરિંગ, લૂંટની કોશિષ
• નવરંગપુરામાં ભાનુ જ્વેલર્સના માલિકો પર ફાયરિંગ
• સોલામાં પ્રકાશપટેલ પાસેથી 10 લાખની ખંડણીની માગણી
• વસ્ત્રાપુરમાં પ્રકાશ સોનીની હત્યા બાદ લૂંટ
• સોલામાં બાઈક પર આવી ફાયરિંગ કરી 3.50 લાખની લૂંટ
• ઘાટલોડિયામાં પંકજ સોનીની હત્યા અને 2.50 લાખની લૂંટ
• વેજલપુરમાં મધુવન કોમ્પ્લેકસમાં મુથ્થુટ ફાયનાન્સમાં લૂંટની કોશિષ
• વટવા-પીપળજની ADC બેંકમાં ફાયરિંગ કરી રૂ.5.50 લાખની લૂંટ  

ત્યારે બીજી તરફ સેન્ટ્રલ જેલમાં બેરોકટોક રીતે વિશાલ ગોસ્વામી પોતાનું નેટવર્ક મોબાઇલ મારફતે ખંડણી માગી કરતો હતો. જ્યારે સેન્ટ્રલ જેલમાં સ્માર્ટફોન કેવી રીતે પહોંચે છે ?  અને 4જી ઝામર લાગ્યા હોવા છતાં ઘણા ગુનેગારો કેવી રીતે ઓર્ગેનાઈઝ્ડ ક્રાઈમ જેલમાં રહીને કરે છે તેનો જવાબ તો પોલીસ અધિકારી પાસે પણ નથી..

અમદાવાદ સાબરમતી સેન્ટ્રલ જેલમાં સામાન્ય ગુનેગારોની સાથે સિરિયલ બ્લાસ્ટ કેસ ઉપરાંત આતંકવાદી સંગઠન સાથે સંકળાયેલા આરોપીઓ પણ સજા ભોગવી રહ્યા છે. ત્યારે જેલની સુરક્ષા વ્યવસ્થાને કારણે ગુનેગારો જેલમાં જ પોતાનું એપી સેન્ટર બનાવી અન્ય ગુનાઓને અંજામ આપી રહ્યા છે. પરંતુ જેલના બેદરકાર સત્તાધીશો સામે હવે કેવા પગલાં લેવાય છે તે જાણવું મહત્વનું બની રહેશે.