ઇન્ડિયન ક્રિકેટર મોહમ્મદ શમીની વિરુદ્ઘ તેની પત્ની હસીન જહાંએ એકસ્ટ્રા મેરિટલ અફેરનો આરોપ લગાવ્યો છે. હસીન જહાંએ લગાવેલા આરોપ પ્રમાણે શમીના ઘણી મહિલાઓની સાથે આડા સંબંધો છે. જેમાં અમુક વિદેશી મહિલાઓ પણ શામેલ છે. મીડિયા રિપોર્ટ્સ અનુસાર હસીન જહાં જ્યાંએ ફેસબુક મેસેન્જર અને WhatsApp પર અમુક સ્ક્રીન શૉર્ટ્સ શૅર કર્યા છે તેના આધાર પર તેણે દાવો કર્યો છે કે શમીના ઘણી મહિલાઓની સાથે આડા સંબંધો છે.
શમી પર મારઝૂડનો પણ આરોપ:
હસીન જહાં અનુસાર તેની પાસે તેના પતિ વિરુદ્ઘ ઘણા પુરાવાઓ છે જેનાથી તે સાબિત કરી શકે છે કે શમીને એકસ્ટ્રા મેરિટલ અફેર છે.
હસીન જહાંએ આરોપ લગાવ્યો છે કે શમીના ઘણી મહિલાઓ સાથે શારીરિક સંબંધો પણ છે. તે ઉપરાંત સાઉથ આફ્રિકાથી પરત આવ્યા પછી શમીએ તેની સાથે મારઝૂડ પણ કરી હતી. નોંધનીય છે કે શમી હાલ ધર્મશાલામાં દેવધર ટ્રોફી રમી રહ્યો છે.
પુરાવામાં શું કર્યું રજૂ?
હસીન જહાંએ તેના ફેસબુક એકાઉન્ટ પરથી શમી વિરુદ્ધ પુરાવામાં શમીના મોબાઈલથી છોકરીઓ સાથે કરવામાં આવેલી ચેટનો સ્ક્રીન શોટ્સ છે જેમાં અશ્લીલ વાતો કરવામાં આવી છે.
આ સાથે જ શમીની ગર્લફ્રેન્ડ ગણાવીને અમુક વિદેશી મહિલાઓના ફોટો પણ શેર કરવામાં આવ્યા છે. આ બધી જ પોસ્ટ છેલ્લા બે દિવસમાં કરવામાં આવી છે.
વાઈફ સાથે ફોટો શેર કરીને કટ્ટરપંથીઓના નિશાના પર આવી ચૂક્યો છે શમી
જૂન 2014માં શમીના લગ્ન કોલકાતામાં રહેતી હસીન જહાં સાથે થયા હતા. તેમની એક દીકરી પણ છે આયરા. શમીની પત્ની હસીન જહાં એક મોડલ રહી ચૂકી છે.
શમી તેની વાઈફ સાથે ફોટો શેર કરીને ઘણી વખત કટ્ટરપંથીઓના નિશાનામાં આવી ચૂક્યા છે.
કોણ છે મોહમ્મદ શમી?
યુપીમાં રહેતા મોહમ્મદ શમી ઈન્ડિયન ક્રિકેટ ટીમમાં ફાસ્ટ બોલર છે. વર્ષ 2005માં અંદાજે 16 વર્ષની ઉંમરમાં ક્રિકેટર બનેલા કોલકાતા પહોંચ્યા હતા. ત્યાં તેમણે ડલહૌજી એથલિટ્સ ક્લબથી ક્રિકેટ રમવાની શરૂઆત કરી હતી.