VIDEO / પુરુષો ઘરનું કામ કરશે તો દરબારીપણું જતું નહીં રહે, હું રોટલી બનાવું તો રવિન્દ્ર ચા બનાવે છે : રિવાબા જાડેજા

• ક્રિકેટર રવિન્દ્ર જાડેજાના પત્ની રિવાબાનો વીડિયો વાયરલ
• સામાજિક ક્ષેત્રે ક્ષત્રિય યુવાનોને સંદેશ આપતો વીડિયો
• ઘરનું કામ કરવાથી દરબારીપણું ચાલ્યું નહિ જાય-રિવાબા

જામનગરમાં ક્રિકેટર રવિન્દ્ર જાડેજાના પત્ની રિવાબાનો વીડિયો વાયરલ થયો હતો.  સામાજિક ક્ષેત્રે ક્ષત્રિય યુવાનોને સંદેશ આપતો વીડિયો હતો જેમાં તેમણે કહ્યું હતુ કે, ઘરનું કામ કરવાથી દરબારીપણું ચાલ્યું નહિ જાય. હું રોટલી બનાવું તો રવિન્દ્ર ચા બનાવી મદદ કરે છે. ઘરના કામકાજમાં મહિલાઓને મદદ કરવા પુરુષોને અપીલ કરી હતી. આ મામલે VTV સાથેની ખાસ વાતચીતમાં તેણે જણાવ્યું હતુ કે, મારો કહેવાનો અર્થ કોઈને નીચા બતાવવાનો નથી પણ સામાજીક જાગૃતી લાવવાનો છે. 

શું કહે છે રિવાબા?

જ્યારે કન્યા કેળવણીની વાત આવે તો કુંવર કેળવણીને કેમ નથી કરવામાં આવતી? કુંવર કેળવણી પણ કન્યા કેળવણી જેટલી જ જરૂરી છે. મેં કોઈ એવો નિવેદન નથી આપ્યું મારી વાત થઈ કઈ રીતે પૂરુષોની લાગણી ઘવાઈ તે મને નથી સમજાતુ. હું જ્યારે ફિલ્ડમાં જઉં છું તો ત્યાં મને સમજાય છે કે પૂરુષોને પણ કેળવણીની જરૂર છે. કોઈ સમાજ, નાત જાત કે જેન્ડરને મેં કોઈ નિવદેન નથી આપ્યું મેં ખાલી બાળકને કેળવણી આપવાની વાત કરી છે. પુરૂષોના હાથમાં તલવારને બંધૂક જ શોભ તેવું કહીએ અને સામાન્ય કેળવણી ન આપીએ તે કેટલું યોગ્ય?
 

શું આપ્યો હતુ નિવેદન?

તાજેતરમાં ટીમ ઈન્ડિયાના ક્રિકેટર રવીન્દ્રસિંહ જાડેજાનાં પત્ની રિવાબા જાડેજા જામનગરના 'મોટી લાખાણી' ગામમાં ગયાં હતાં, જ્યાં બહેનોને રાજ્ય સરકારની યોજનાઓની જાણકારી આપી હતી. એ દરમિયાન તેમણે કહ્યું હતું કે હું રોટલી કરતી હોઉં તો ચા રવીન્દ્રસિંહ મૂકે છે, એટલે કે દીકરાઓ ઘરકામ કરે તો દરબારીપણું જતું રહેતું નથી. દરેકે મદદ કરવી જોઈએ. મારા પતિને આજે કંઈ કરવાની જરૂર નથી તોય એ મને મદદ કરે છે. જેમ સમાજમાં દીકરીઓને ઘરની રસોઈ કામકાજ શીખવવામાં આવે છે તેમ દીકરાઓને પણ ટ્રેનિંગ આપવી જોઈએ.